limit
/lì-/
li|mit
[FO]
-
s.m.
linie di division o confin:
il fat che si individui un teritori di base, nol esclût che la politiche linguistiche indreçade al Friûl no puedi o no scuegni vê interazions e efiets ancje difûr dai siei limits teritoriâi (Sandri Carrozzo, Notis di politiche linguistiche par un Friûl diferent)
Sin. confin
, tiermin
, linie
-
s.m.
cuantitât, misure, intensitât e v.i. massime o minime:
par chel che al rivuarde la seconde variabile [etât dai intervistâts], a son stâts mantignûts i limits di etât di 18-65 agns di chês altris ricercjis (Linda Picco, Ricercje su la condizion sociolenghistiche dal furlan)
-
s.m.
element che al ferme o che al pidimente:
magari cussì no tra cualchi docent e reste ancjemò la convinzion che l'insegnament de lenghe furlane al sedi un limit pal aprendiment coret da talian (Patrizia Pavatti, La tutele de lenghe furlane a scuele)
-
s.m.
(fig.)
pont che no si varès di passâ o che no si rive a passâlu:
nissun al pues jessi obleât a un tratament sanitari se no par disposizion di leç, che però no pues in nissun câs violâ il limit dal rispiet de persone (Christian Romanin, Amato De Monte: Il Friûl, patrie des bataiis di civiltât);
al scugnive par altri adatâ i siei progjets a la persone di Valerie che, volint o no, [jessint in carocine] e veve i siei limits (Roberto Ongaro, Il muc)
-
s.m.
(fig.)
mancjance rispiet a ce che al coventarès o a un model ideâl:
cundut dai siei limits, Pieri Çorut al è stât un personaç impuartant de leterature furlane (Roberto Iacovissi, Pieri Çorut)
Sin. difiet
, mende
, pecje
-
s.m.
[TS]
sient.
pont ideâl che sore o sot di chel si verifiche un ciert fenomen
-
s.m.
[TS]
biol., gjeofis.
linie di confin altimetric e climatic che e fisse la estension di fenomens biologjics o gjeofisics:
I insediaments si cjatin di fat dilunc di diretivis precisis che a tegnin cont dai limits altimetrics dal bosc e des culturis (Mauro Pascolini, Andrea Guaran, La mont furlane)
-
s.m.
[TS]
sport
intal balon, linie che e segne la aree di rigôr:
ve un cross che al somee mugnestri, indreçât viers il limit de aree taliane (Laurin Zuan Nardin, Vincjedoi)
-
s.m.
[TS]
astron.
ognidun dai doi ponts plui distants de eclitiche inte orbite di un planet
-
s.m.
[TS]
mat.
valôr relatîf a une funzion tâl che, par ogni cuantitât arbitrarie, al esist simpri un valôr de variabile de funzion dulà che la funzion e cjape un valôr che la diference cul valôr limit e je inferiôr a chê cuantitât
-
s.m.
[TS]
gjeol.
plan di contat jenfri dôs unitâts gjeologjichis o litologjichis, segnade su di une cjarte gjeologjiche