Dizionari de Lenghe Furlane

cjapâ la buride    [CO]

1. loc.v. inviâ la corse, cjapâ velocitât par cori, in câs ancje lant plui indaûr dal pont di partence:  dopo cuissà trop timp di studis e di lavôr daûr cheste invenzion [une biciclete cu lis alis], e jere vignude la zornade di screâle. Alore jù dute la zoventût pe rive dal Bordò a dâi une man che si tratave di judâlu a cjapâ la buride (Alan Brusini, Amîs come prime)
   Sin. cjapâ la imburide
   
   1. (fig.) inviâsi cuntun bon slanç, in cualsisei ativitât, ancje cence moviment di corse

Components:

• buride s.f.
• cjapâ v.tr., v.intr.