Dizionari de Lenghe Furlane

savoltâ  sa|vol|tâ  [AF]

1. v.tr. meti intune posizion contrarie di chê che e jere o di chê naturâl:  i Clevis a lavoravin saldo tal cjamp gnûf ca jù, cul soreli su la cope. […] A savoltavin tal soreli la tiare (Dino Virgili, La aghe da pît la cleve); lis vuardiis a mandarin fûr dai vagons dute la int, berlantjur daûr come bestiis, vierzint lis valîs e savoltant dut ce che al jere dentri (Pieri Menis, Sul agâr)
   Sin. disledrosâ , ribaltâ , rivoltâ , sledrosâ , voltâ
   Var. sovoltâ
   
   1. movi cun fuarce, soredut cun moviments circolârs:  doi fluns grancj che savoltin tanta gleria (Ugo Pellis, Catinuta)
2. v.tr. (fig.) gjavâ ordin, armonie o meti intun ordin contrari:  ce che al leieve al savoltà par un moment l'ordin dai siei pinsîrs (Fabian Ros, L'om che al pierdeve pinsîrs pe strade)
   Sin. disledrosâ , ribaltâ , rivoltâ , sledrosâ , voltâ , confusionâ , sconvolzi
   
   1. causâ turbament:  chest pinsîr mi savoltave la anime (Alan Brusini, Gian Paolo Linda, I forescj); tra il 1524 e il 1526 lis vueris contadinis a savoltin i principâts todescs (Carli Pup, Il Friûl de Joibe Grasse dal 1511)
      Sin. confondi , sbarlufî , scaturî , scjassâ , scombussulâ , sconfondi , sfolmenâ , sledrosâ , stralunâ , sviersâ , turbâ , conturbâ , sconvolzi
   2. causâ malstâ:  al puçave di un odôr garp, che ti jentrave tal nâs e ti savoltave il stomi (Raffaele Serafini, Soreli jevât a mont)
3. v.tr. (fig.) mudâ alc di plante fûr, ancje fasint dams o distruzint:  si trate di lâ incuintri a cambiaments cussì fondamentâi che a fasin vignî inzirli, di savoltâ dut chel drandran di abitudins politichis che al va indenant di un secul incà, di costruî sul gnûf (Josef Marchet, 80 discors)
   Sin. drazâ , ribaltâ , scombuiâ , sconvolzi , scjassâ , sledrosâ , disledrosâ , rivoltâ , voltâ