Dizionari de Lenghe Furlane

sconfondi  /-fò-/  scon|fon|di  [AF]

1. v.tr. fâ che alc al sedi cence ordin, cence logjiche, che no si rivi a capîlu o che no si rivi a distinguilu di alc altri
   Sin. messedâ , confusionâ , miscliçâ , confondi
2. v.tr. fâ pierdi a cdn. il fîl dal resonament o la sigurece e l'ordin di ce che al pense o di ce che al fâs:  vive la ignorance e la imprecision, che a coventin a sconfondi la int (Sandri Carrozzo, L'Antifurlan)
   Sin. confusionâ , sturnî , imberdeâ , intrigâ , ingredeâ , savoltâ , sbarlufî , confondi
   
   1. (iperb.) causâ turbament cun bielece, lusinghis e v.i.
      Sin. inmagâ , incjantâ¹ , inzingarâ , confondi
3. v.tr. pensâ che alc al sedi alc altri o che cdn. al sedi cdn. altri:  ambli (alnus viridis), che al è cognossût ancje tant che âl di mont e che nol è di sconfondi cul âl neri (alnus glutinosa) (Ermanno Dentesano, Len di âl o prât de signorine?)
   Sin. falâ , scambiâ , cjapâ , cjapâ in fal , cjoli in fal , confondi