inmagâ
in|ma|gâ
[CO]
-
v.tr.
fâ une magjie, un striament, tocjâ cuntune magjie, cuntun striament:
nissun altri nol è rivât a sopuartâ i tuessins che o met tai miei cocktails: tu âs di jessi un che no si rive a inmagâlu (Pierluigi Visintin, Il Mago di Umago e il Strion di Cjasteon)
Sin. leâ
, smagâ2
, incantesemâ
, striâ
, incjantâ1
-
v.tr.
(fig.)
dâ un aspiet maraveôs, une atmosfere magjiche:
e ven di Avost insieme cui stelâts / che a inmaghin cops, bearçs, orts e toblâts, / ligrie di arint / cun dome cualchi fîl sutîl di vint (Lelo Cjanton, Tes bielis gnots)
-
v.tr.
(fig.)
fâ che cdn. al sedi cjapât di grande atrazion, ancje di inamorament:
lui, il furbat, al veve cjapât il bon in man par inmagâ chê biade frute (Maria Forte, La tiere di Lansing)
Sin. imberlî
, striâ
, inamorâ
, incantesemâ
, incjantâ1
, sedusi
-
lassâ maraveât, fâ une grande impression:
o ai cognossût Pasolini midiant dai siei films, che mi vevin inmagât e interessât un grum (Cristina Cescutti, L'economist e Pasolini)
