Dizionari de Lenghe Furlane

falâ  fa|lâ  [AF]

1. v.tr. (ancje ass., ancje fig.) fâ alc mâl, cence rispietâ o cence corispuindi a un model di coretece, precision o ancje di justizie, moralitât e v.i.:  il sindic al leiè la circolâr dal Prefet, biel planc, tornant indaûr sui acents, che la prime volte ju falave simpri (Riedo Pup, Il compromesso); al veve simpri un pocje di pôre di falâ a movisi bessôl tal bredei dai afârs de vite (Roberto Ongaro, Cretevierte); o ricognòs che lis regulis a coventin par vê rispiet dai familiârs, ma ancje jo cualchi volte o fali e o fâs rabiâ la mame (AAVV, Sul florî)
   Sin. sbaliâ , sbaliâsi , mancjâ , sgarâ
   
   1. no cjapâ un bersai, un obietîf o sim.:  aromai i cjaçadôrs a son cussì fis che cuant che si trai al è plui facil falâ un jeur che no un cjaçadôr (Riedo Pup, La cjace e i laris)
      Sin. mancjâ , sgarâ , sbaliâ
   2. cjapâ une robe o une persone par une altre:  Si puedie jessi cussì stupits e straviâts di falâ la direzion? Epûr, cun tant di cjartine gjeografiche sot dal nâs, cun tant di cartei, e indicazions, a Grivôr i jere tocjade dabon une tâl (Franca Mainardis, Grivôr)
      Sin. sbaliâsi , sconfondi , sconfondisi
   3. ancje in mûts di dî retorics par dâ plui enfasi o par moderâ une afermazion:  "Propit frêt, Titon, e se no fali il cîl al à muse di nêf […]" (Maria Forte, La tiere di Lansing); Jacum, si po dî cence pôre di falâ, al jere cognossût in dut il Friûl (Angelo Covazzi, Il zeut)

Proverbis:

• a pensâ mâl, no si fale mai
• a tratâ ben no si fale mai
• a tratâ cun buinegracie no si fale mai
• a tratâ cun creance no si fale mai
• a ubidî no si fale mai
• al fale ancje il predi sul altâr
• al fale ancje l'altâr sul predi
• al fale ancje l'altâr sul predi cun dute la int plene di glesie
• cui che al fale di cjâf al paie di borse
• cui che al fale di cjâf al paie di gjambis
• cui che al fale in premure al paie a pôc a pôc
• cui che al fâs al fale, cui che al mene al strucje
• cui che al fâs al fale, cui che nol fâs al strafale
• cui che al scolte nol à mai tuart, cui che al fevele al po simpri falâ
• cui che al va dret nol fale la strade
• cui che i falin tal dî il credo tal batiâlu al viôt lis striis
• cui che nol fale nancje nol fâs
• cui che vuê al dîs: o ai falât, al è plui savi di îr
• cul fâ si fale e a fuarce di falâ si impare
• cul fâ si fale e cul falâ si impare
• dulà che ducj fale nissun nol è cjastiât
• falade la prime buse si lis fale dutis
• il masse savê al fâs falâ
• il stupit se al fale al ven scusât ma il savi no
• il test di Bertolt nol fale mai: cuant che al plûf lui al rît e cuant che al è soreli al vai
• miôr misurâ dôs voltis che no falâ une
• o sin ducj abii a falâ
• par falâ nol covente aiût