Dizionari de Lenghe Furlane

mancjâ  man|cjâ  [FO]

1. v.intr. no jessi o no jessi avonde:  se a mancjavin i canons e par fâ lis balis di fusîl tocjave recuisî i cjaldîrs di ram de puare int (Roberto Ongaro, Il muc); si zontavin la cjaristie (a mancjavin il pan, la cjar, la spongje, il vin e vie disint), lis fieris malarichis (Giovanni Pillinini, Zuan Batiste Cavedalis - Une vite esemplâr)
2. v.intr. jessi la cuantitât di spazi o di timp prime di alc:  a mancjavin ancjemò cuindis minûts prime che al scomençàs il spetacul (Fabian Ros, Un piçul particolâr); cuant che al jere jessût de ostarie al mancjave pôc a miezegnot (Gianfranco Pellegrini, Sium de Vilie dai Sants); o soi vieli, aromai mi mancje pôc (Alan Brusini, Gian Paolo Linda, I forescj)
   Sin. restâ , vanzâ
3. v.intr. jessi ancjemò necessari par completâ un alc, par jonzi un fin:  in pôcs mês al fasè i esams che i mancjavin e al rivà a laureâsi (Carlo Sgorlon, Ombris tal infinît)
   Sin. restâ di fâ , coventâ , servî
4. v.intr. di aghe o energjie o altri servizi, no rivâ plui al utent:  bot e sclop e mancjà corint a Pittini, Fantoni, Burgo e Abs. Blackout energjetic, nuie produzion par cualchi ore (Oscar Puntel, I coscj de energjie)
   Sin. colâ¹ , lâ vie
5. v.intr. di cdn., no jessi presint:  la fie de siore e mancje di cjase di îr l'altri (Alan Brusini, Gian Paolo Linda, I forescj); cui mancjial? Al è Bepo, Vigjut, Levi, Bruno, Eni… po sì che o sin ducj (Pieri Somede dai Marcs, La comedie dal mus); al è sucedût a voltis, in cualchi paîs, che al sei mancjât il predi; ma mai il muini (Riedo Pup, I furlans e il muini)
   
   1. (eufem.) murî:  so missêr al jere mancjât l'an prin (Roberto Ongaro, Il muc)
6. v.intr. dâ nostalgjie o displasê pe assence:  la ultime volte che ju ai viodûts [i Cocteau Twins] al è stât a Milan dal '94. Mi mancjin. Ma mi mancjin ancje chei timps, chei moments… (Checo Tam, Cocteau Twins su Netun (ma no il planet))
7. v.intr. jessi cence une cierte cualitât o carateristiche:  la storie e mancjave di continuitât logjiche e la trame e veve plui busis che tacons (Fabian Ros, L'om che al pierdeve pinsîrs pe strade); a jerin masse sierâts te lôr semplicitât fin a mancjâ di judizi (Maria Forte, La aghe dal Ariul)
   Sin. fâ fal , falâ
8. v.intr. in espressions retorichis, par pandi dinei o une afermazion in maniere enfatiche:  il progrès materiâl nol è un mâl ni un cjastì di Diu. Mancjarès! (Antoni Beline, Sant Jacum, là che al finìs il mont)
   Sin. mancjâ altri , mancjâ nuie altri , mancjâ dome chel
9. v.tr. no rivâ a cjapâ, a colpî:  cul cjâf al mancje il bersai di pôc (Marc Stolf, Lazio - Udinese 1-3)
   
   1. (fig.) no rivâ a un obietîf:  mancjâ la promozion; mancjâ une ocasion
10. v.tr., v.intr. no rispietâ un impegn:  pôc dopo vê cjatât un compromès cui rivoltôs, l'arciduche al mancje ae peraule dade: al ritire lis concessions fatis, […] e al invie la repression (Carli Pup, Teritoris - Oms di Libertât)

Polirematichis e espressions idiomatichis

• mancjâ altri loc.v.
• mancjâ di rispiet loc.v.
• mancjâ dome loc.v.
• mancjâ l'ere loc.v.
• mancjâ nome loc.v.
• mancjâ pôc loc.v.
• mancjâ un scansel loc.v.
• mancjàs mai che loc.coniun.
• mancje mai loc.av.
• mancje mai che loc.coniun.
• vignî a mancjâ loc.v.

Proverbis:

• a cui che al vûl, no i mancje il timp
• al è il 'sâf che al à simpri pôre che i mancji la aghe
• cuant che il bon al mancje, il trist si met a vivi
• cuant che il gjat al mancje, lis surîs a balin
• cui che al è siôr no i mancje nuie
• cui che nol rispiete la usance al mancje di creance
• denant di maridâsi al pâr che al mancji alc, daspò al mancje dut
• di ce che al è nol mancje nuie
• di ce che o vin nol mancje nuie
• gjoldi simpri fin che si po, no i mancje mai timp al patî
• il diaul nol mancje la stagjon
• il puar om nol à mai ben: se i mûr la vacje i vanze il fen, se la vacje e campe il fen i mancje
• no i mancje la burle a cui che al à il dam
• se al mancje l'ardiel e ven buine la crodie