confondi
/-fò-/
con|fon|di
[AF]
-
v.tr.
fâ che alc al sedi cence ordin, cence logjiche, che no si rivi a capîlu o che no si rivi a distinguilu di alc altri:
la Glesie catoliche no à nuie ce vuadagnâ cun chel confondi e messedâ catolicitât (che al ven a jessi «universalitât») e latinitât o italianitât (Josef Marchet, Cuintristorie dal Friûl fin sot la Italie)
Sin. messedâ
, confusionâ
, miscliçâ
Var. sconfondi
-
v.tr.
fâ pierdi a cdn. il fîl dal resonament o la sigurece e l'ordin di ce che al pense o di ce che al fâs:
il displasê grant di vê pierdût sô mari, e la dolcece di chel sintiment che al jere infin sclopât dentri di jê, si jerin miscliçâts, le confondevin tant che no rivave a pensâ cun serenitât (Franca Mainardis, Il sium di Lissandri);
la sorprese, la glorie, / dute chê confusion, / mi vevin confondude la memorie (Pieri Çorut, Une gnove citât in Friûl)
Sin. confusionâ
, sturnî
, imberdeâ
, intrigâ
, ingredeâ
, savoltâ
, sbarlufî
-
(iperb.)
causâ turbament cun bielece, lusinghis e v.i.:
il vuestri cjant incjante, e ognun confont / ed, oh! me beât, se mai tocjàs cul dêt / de vuestre grant virtût un piçul pont (Ermes di Colorêt, I, 88)
Sin. inmagâ
, incjantâ1
, inzingarâ
-
v.tr.
pensâ che alc al sedi alc altri o che cdn. al sedi cdn. altri:
Li pinii dai fassalets butâts sù in cima il cjâf colm di streci, a zovavin a dâi [aes feminis di Plan] un estru galandin e gjavât, cussì che a nal nasseva mai da confondali cu li Tramuntini penzi ta li cotali di lana nera (Novella Cantarutti, La femina di Marasint)
Sin. falâ
, scambiâ
, cjapâ
Polirematichis e espressions idiomatichis
Proverbis:
- no bisugne confondi ebreus cun samaritans