miscliçâ
mis|cli|çâ
[AF]
-
v.tr.
(ancje fig.)
meti insiemi o dongje robis, personis, elements diferents:
siore Lise e nudrive un agnel blanc e un neri, e miscliçave la lane e le faseve tiessi dal Cjargnel e e someave propit saltade fûr de miôr buteghe di panine (Maria Forte, Cjase di Dalban);
une ventine di prosis che, dispès, a àn un savôr di poesie par vie che a misclicin realtât cun magjie (Laurin Zuan Nardin, Storiis di fruts di une volte)
Sin. messedâ
, misturâ
-
fâ incrosâ individuis di raze divierse:
a son stâts i arlevadôrs furlans a miscliçâ lis lôr vacjis autoctonis (chês formentinis de plane furlane) cun taurs di altris razis (Margherita Timeus, La vacje Flore che a clamin "taliane", ma che e je furlane)