Dizionari de Lenghe Furlane

drazâ  dra|zâ  [CO]

1. v.tr. passâ un materiâl traviers di un draç o ancje traviers di un altri imprest che al straten impuritâts, tocs o parts che a son plui grandis di une cierte dimension:  drazâ il forment
   Cfr. tamesâ , crivelâ , vandi
2. v.tr. (fig.) valutâ cuntune comparazion, cuntun confront:  o cjapi dutis lis ideis, dutis lis pinions, lis met tun grant tamês […] e po lis drazi ben ben: o ten lis buinis (Pieri Somede dai Marcs, O mi ricuardi)
   Sin. caratâ , misurâ , stimâ , valutâ , vandi , scrutinâ , provinâ
3. v.tr. (fig.) fâ un dam, soredut jemplant di busis come un draç o fasint a tocs piçui:  il maressial ju draze cuntune rafiche de sô pistolmachine (Alan Brusini, Par stradis lungjis); ulîf benedet par brusâlu su la puarte de cjase cun chê di slontanâ la tampieste, che l'an passât e veve drazât dut (Carlo Zanini, Musiche dai striceis)
   Sin. tamesâ , crivelâ
   
   1. fâ une vore di dams, in gjenerâl:  la vuere che e veve drazade la Italie fûr par fûr e il mont intîr, e jere finide di pôc (Pieri Menis, Sul agâr)
4. v.tr. (fig.) tratâ in maniere severe, cun durece, ancje cun violence:  al Sanremo dal an dopo al puarte une cjançon in efiets brutute. La jurie lu draze. Ma lui al va dilunc a zirâ il continent e al met jù il so prin album (Mauro Missana, Miani: un tribût al Friûl)
   Sin. tamesâ , massacrâ , sdrumâ , disfâ , distruzi , copâ , sassinâ , pestâ , petenâ
   
   1. bati a fuart intun confront, intune competizion e v.i.