sdrumâ
sdru|mâ
[FO]
-
v.tr.
butâ jù, fâ colâ, spec. distruzint:
al è rivât adore di cjoli un pâr di cjamputs di tiere e une barache che al à sdrumade par fâ sù une sô cjasute (Josef Marchet, Lis predicjis dal muini);
un torint di aghe turbide, velmose, scjavalgjant ripârs, sdrumant murets e rostis e plombà viamente su la plane (Pieri Somede dai Marcs, La bissebove);
la cjase tal mieç de citât no je plui. Sdrumade des bombis (Ivano Urli, Storie di Vera)
Sin. butâ jù
, disdrumâ
, fâ jù
, parâ jù
, distruzi
, disfâ
Var. sdurumâ
-
ancje riferît a robis astrats, valôrs, struturis, organizazions e v.i.:
al è un pieç che la peraule di ordin e je: sdrumâ, splanâ, dislidrisâ la furlanetât (fasint fente di tignîle sù cu lis monaducis folcloristichis) e sostituîle cu la italianitât (Riedo Pup, Racket: o sin te vuate);
par une sielte politiche starloche e sassine, tacant dai prins agns otante al ven sdrumât il paisaç di une part dal Friûl di mieç (Max Mauro, Un Friûl difarent: i 90 mhz di Onde Furlane)
-
fâ colâ cun violence, ma ancje cence distruzi:
un pugn tai gnerfs de cope lu sdrumà par tiere (Roberto Ongaro, Il muc)
-
v.tr.
(fig.)
vinci cuntune vore di superioritât:
o pensavin di vinci e nus àn sdrumâts 4 a 0
Sin. disfâ
, stravinci
, distruzi
, disdrumâ
, tamesâ
, drazâ
-
v.intr.
colâ jù, spec. distruzintsi:
[dopo dal taramot] e jere voie di ricostruî tai stes puescj li che al jere sdrumât (Adrian Cescje, Memoriis di politiche linguistiche);
i tornave, cumò, ancje un burlâ strani tal cjâf… come di tiere che e sdrume (Maria Forte, La tiere di Lansing)
Sin. vignî jù
, sdrumâ jù
, slacâ
, colâ1
, sdrumâsi
, sdrupâ
, disdrumâ
, disdrumâsi
-
colâ jù, ancje cence distruzisi:
il paron, al tire lis brenis, di istint la bestie si alce sù lis gjambis daûr che però no tegnin, ducj i doi a sdrumin par tiere (Carlo Tolazzi, La salamandrie tal fûc)