Dizionari de Lenghe Furlane

fâ jù    [CO]

1. loc.v. copâ:  si invià pe Gjermanie, disint a mê agne che no si lassàs mai plui viodi di lui: puare mai jê, le varès fate jù cence remission (Pieri Menis, Sot il puarti)
   Sin. fâ la fuee , fâ la piel , fâ la scusse , copâ , sassinâ , dispicjâ , tirâ jù di spese , fâ la spese , fâ fûr
2. loc.v. disfâ, sdrumâ, cjapâ cu la fuarce:  a metin adun i lôr soldâts e a fasin jù ducj i paîs di ca dal Lusinç (Pieri Piçul, Storie dal popul furlan)
3. loc.v. indusi cdn. fâ ce che si vûl, someti, sotanâ e v.i.:  bandonant ducj i siei proposits di vendete «Rufian che tu sês un!» el disè butangji i braçs al cuel a siôr Meni, […] e a Rafael che lu stuzigave «Biele figure di fâ, si sêso cussì prest dismenteât che vevis di petenâlu?». « Ce ûstu, el mi à fat jù intune ciarte maniere chel muse di sc… bevìngji parsore un bocâl…" (Bepo Marion, Cemût che je stade che pre Antoni nol à copât siôr Meni Indrì)
   
   1. rivâ a sedusi:  lui al veve savût, dai siei spions, / di ce pît che Romilde e çoteave, / e, cun cuatri peraulis ben mitudis, / sperave di fâ jù chê buine blave (Bepo Marion, La storie di Gjisulfo e di Romilde)
4. loc.v. fâ alc tun supuart, tant che scrivi, dissegnâ, piturâ e v.i. te cjarte, te tele e v.i.:  chest l'è il pitôr che al mi à fat jù il ritrat! (Vittorio Vittorello, Il mio pitôr)
   Cfr. tirâ jù , meti jù , butâ jù

Components:

• fâ v.tr., s.m., v.intr.
• jù av., adi.inv.