Dizionari de Lenghe Furlane

fâ la spese    [AF]

1. loc.v. comprâ robe di mangjâ e ce che al covente par tignî nete la cjase, la robe e v.i.:  al vignive jù cu la sporte a fâ la spese te cooperative, in paîs, une volte par setemane (Meni Ucel, Credit); "Vuê o voi jo a fâti la spese, agne, dimi dome ce che ti covente" (Franca Mainardis, Il sium di Lissandri)
   Sin. fâ la compre , spesâsi
2. loc.v. (fig.) dâ zovament, dâ di vivi:  isal mo di just che no si vei nancje une code di vigjel da santificâ la fieste di Sante Catarine? A la fin de lis fins, la robe di chest mont e à di fâ la spese a ducj (Giovanni Gortani, La paùre - Une gnot intun segrât)
   Sin. rindi , tornâ cont
3. loc.v. [BF] (fig.) copâ:  sul scurî se tu jessis di cjase / a stan pôc ancje a fâti la spese (Zaneto)
   Sin. fâ la fuee , fâ la piel , fâ la scusse , copâ , sassinâ , dispicjâ , tirâ jù di spese , fâ jù , fâ fûr

Components:

• fâ v.tr., s.m., v.intr.
• spese s.f.