Dizionari de Lenghe Furlane

parâ jù    [BF]

1. loc.v. fâ lâ jù, fâ colâ:  [altris animis danadis] si tacarin ai siei pîts di bramis di lâ fûr di li. Chê [la mari di sant Pieri], però, invidiose che altris di lôr a fossin vignûts a vê un util di une man che i vignive dade dome a jê, si scjassà dute par parâlis jù (Alviero Negro, Lis çariesis pe mari di sant Pieri); dut il paîs si deve dongje par disboscâ, fâ lis stuis te aghe dal Citon par parâ jù il legnam (Alan Brusini, Gian Paolo Linda, I forescj)
   Sin. butâ jù
2. loc.v. (ancje ass.) gloti:  a sant Pieri no i scuadrave masse [la jote]; la zirave pe bocje un pieç a lunc, e po la parave jù a dadis, sierant i voi (Luigi Gortani, La ospitalitât); la Stele, cuiete tal so cjanton scûr, e moveve i siei voi tonts e e parave jù il fen a bocjadis (Maria Forte, La tiere di Lansing); jê e tornà in cusine par viodi di mangjâ alc e si sfuarçà di parâ jù ancje se no 'nd veve voie (Jolanda Mazzon, Fûr di timp)
   Sin. mandâ jù , butâ jù , parâ jù pal cuel
   
   1. (fig.) acetâ, sopuartâ:  "Se Fredo al fos colât al front mi darès pâs, ma no, cussì… No pues parâle jù chê muart cence costrut" (Maria Forte, Cjase di Dalban); "Che nol stedi, lu prei, a tornâmi fûr cun chê snacaiose di paroncine! No pues parâle jù, jal zuri!" (Bepo Marion, La morose di Carlo)
   2. (fig.) fâsi passâ une sensazion negative:  i restà a dilunc un grop sul stomi. Lu parà jù nome cuant che chei dal Comun i consegnarin une medaie pes sôs benemerencis (Lucio Perès, Vigji il vuardian); si sbrocave cun Min par parâ jù il marum di cualchi malegracie dai nevôts (Franca Mainardis, Aiar di cjase)
3. loc.v. fâ calâ di fuarce, di intensitât e v.i.:  "Tu sâs che l'aiar di Primevere ti pare jù la gnarvadure!" (Arturo Feruglio, In cîl e je une stele!…)
   Sin. butâ jù
4. loc.v. tirâ vie, fâ sparî:  Crist nol è vignût a parà jù in nissune maniere lis carateristichis dai popui (Francesc Placerean, L'ultin patriarcje: Denêl Dolfin)
   Sin. butâ jù , scancelâ , eliminâ , tirâ vie
   
   1. in particolâr in riferiment a maglis, sporc e v.i.:  "Ten ca, ten ca la gjachete, tu âs di parâmi jù une magle di ont…" (Bruno Paolo Pellarini, Comari 'Sese); une cjase se tu le sblancjis ogni an, tu le mantegnis biele, linde, blancje, cuant che ti sbrisse une piçule sclipignade sù pal mûr, si impâr subit la magle, e ti ven gole di parâle jù (Riedo Pup, I furlans e la confession)
      Sin. gjavâ , tirâ jù
   2. ridusi o puartâ a zero une cuantitât di bêçs, soredut un debit:  il judiç conciliadôr i imponè di parâ jù il debit (Riedo Pup, Beâts i viei); a chê âtri femini a i rivava, almancu ogni tant, un pôc di francs o una man di dolars che a na bastavin mai - a è vera - a parâ jù il cont ta la butega (Novella Cantarutti, Il pan da la Guda)

Components:

• jù av., adi.inv.
• parâ v.tr.