scancelâ
scan|ce|lâ
[FO]
-
v.tr.
fâ in maniere che alc che al jere scrit, dissegnât o piturât no si viodi plui, in gjenar rassant cun plui o mancul delicatece la superficie dulà che al jere, o fâ che si capissi che nol è di tignî bon, taiantlu cuntune rie, cuntune crôs e v.i.:
il cont al veve lassât test che ducj i debits di ducj i colonos a fossin scancelâts. E cussì il fatôr al scugnì cjapâ sù un penelapis blu e tirâ une crôs sun dutis lis pagjinis (Riedo Pup, I furlans e i frutins)
Sin. gjavâ vie
, netâ vie
, parâ vie
, taiâ
, taiâ vie
, tressâ
Var. cancelâ
-
netâ une superficie li che al jere stât scrit alc:
scancelâ la lavagne
-
v.tr.
(fig.)
fâ in maniere che alc, o ancje cdn., nol esisti plui, no si viodi plui, nol vedi plui efiet e v.i.:
i resisteve dentri la voie di scancelâ lis umiliazions patidis cul fâ viodi ce che e saveve e dulà che e podeve rivâ (Maria Forte, Cjase di Dalban);
il pape Benedet XIV cu la bole «Iniuncta nobis» al scancelave de storie, de gjeografie, de vite de glesie e, se al ves podût, ancje de memorie il Patriarcjât di Aquilee (Roman Michelot, La cjase dai contents);
il gjornâl lu leieve trê voltis, che no i someave vêr, po lu butave tal fûc come par scancelâ la veretât (Alan Brusini, Come tai romançs)
Sin. gjavâ vie
, netâ vie
, parâ vie
, taiâ
, taiâ vie