petenâ
pe|te|nâ
[CO]
-
v.tr.
passâ i cjavei cul pietin o cu la spacete o ancje dome cui dets, par metiju in ordin o ancje par dâur une disposizion particolâr:
dopo finide la cercje a jerin lâts a polsâ suntun toblât, vevin metudis jù lis bisacjis, cuant che il Signôr al ordenà a sant Pieri di petenâlu (Catarine Percude, Il voli del Signôr);
e tacave di matine, a pene jevade. Si slissave i cjavei, ju petenave, si piturave. A jerin ciertis zornadis che e cambiave dôs, trê voltis la petenadure (Gianfranco Pellegrini, Narcissus)
-
(fig.)
ancje di sogjets inanimâts e cun ogjets che no sedin i cjavei, passâ in maniere che elements luncs e fins si disponin in paralêl:
al lave indenant cun jê [dilunc dal flum], fissant lis ondis che a petenavin la jerbe dal ôr (Maria Forte, Mabile la Lunghine)
-
v.tr.
(fig.)
tratâ cun durece, cun violence fisiche, cun critichis fuartis, cun proviodiments punitîfs e v.i.:
a comandin i Todescs che cui Ustàs a plombin dispès ca di ca a petenâ la Resistence (Ivano Urli, Storie di Min);
o soi stât petenât e pestât a dovê ma no ai mai rinunciât a vivi une vite dignitose (Antoni Beline, Moments di ploie e di burlaç);
nô furlans no saressin tant miserabii se i lustrissims de nobiltât e i predis a paiassin lis tassis. «E je ore, par la madone, di petenâ chês piruchis!» (Alan Brusini, Come tai romançs)
Sin. cuinçâ
, vualivâ la schene
, vualivâ lis comissuris
, tamesâ
, drazâ
, costumâ
, remenâ
, dâ la savonade
-
v.tr.
[TS]
tess.
tratâ fibris cun imprescj di pueste in maniere che a risultin paralelis, ordenadis, cence grops e netis:
za tal 1717 al vierzeve la sô prime fabriche, par petenâ il lin (Raffaele Serafini, Contis sot spirt)
Polirematichis e espressions idiomatichis