stimâ
sti|mâ
[AF]
-
v.tr.
cjapâ in considerazion e fâsi une idee, une opinion, definî une valutazion:
il nodâr lu veve ancje conseât di fâ stimâ la proprietât di un perît di sô fiducie (Franca Mainardis, Il sium di Lissandri);
[ai sommeliers] ur baste chê lagrime par induvinâ la cualitât e stimâ la bontât di chel vin (Riedo Pup, La civiltât dal fum)
Sin. calcolâ
, considerâ
, stazâ
, vandi
, misurâ
, pesâ
-
v.tr.
vê une cierte opinion di alc o di cdn.:
chei pôcs [sotans], po, che a vignivin sielts, smondeâts e vistûts par servî il paron e i siei invidâts, a jerin stimâts cuasi sorestants (Riedo Pup, I furlans e il cjistiel);
salacor no veve gust che al les a cjase sô cussì tart, ma se nol lave, e podeve ancje ofindisi e stimâlu un vilan (Carlo Sgorlon, Prime di sere)
Sin. calcolâ
, crodi
, pensâ
, ritignî
, tignî
, considerâ
-
pensâ che alc al sedi just, al coventi:
nissun al stimave di concedi ae lenghe dal Friûl la dignitât di sei doprade te comunicazion interne uficiâl dal partît autonomist (Adrian Cescje, Memoriis di politiche linguistiche)
-
v.tr.
vê une buine opinion di cdn. o di alc:
cuant che une femine no po stimâ il so cristian, la sagre dal amôr e riscje di jessi finide (Josef Marchet, Lis predicjis dal muini)
Sin. calcolâ
, considerâ
, preseâ
-
v.tr.
soredut in espressions esclamativis e retorichis, pandi une critiche fuarte, une opinion negative su cdn. o su alc:
"O stimi voaltris doi…" ur disè a Tite e a Taresie. "O sês par deventâ nonos… e cjalait li, ce musis… Magari jo, une dì!" (Gianni Gregoricchio, Trê feminis);
"Stimi vô jo, porc di om, a no visâmi!" (Giovanni Gortani, La cjargnele dal avout)
Cfr. maraveâsi
, restâ
, dâsi di maravee
-
(ass.)
ancje in esclamazions par rimarcâ la evidence di alc:
"Ce bal, ce bal, ce robe! Mai stât tant biel; ducj ti balin." "Po, o stimi jo, ti àn bêçs ducj cuancj a dì di vuê; no vês viodût li frutatis!" (Dolfo Zorzut, La furlane);
"Per dî il vêr, o soi stracute!" "O stimi jo, vês piardude dute la gnot! Cjalaitmi me, che o soi lât a durmî a buinore... o soi vivarôs come un zupiot!" (Bepo Marion, Il liron di siôr bortul)
Sin. crodi
Proverbis:
- al vûl un brâf mestri a stimâ une fabriche
- al vûl un dal art a stimâ il gjenar
- bisugne sei da la art par stimâ une fabriche
- cui che al stime al compre
- cui che al stime nol compre
- i purcits si ju stime a pês
- no stâ fevelâ se no tu sês clamât e tu sarâs stimât