sdrondenâ
sdron|de|nâ
[AF]
-
v.tr.
movi ca e là cun fuarce:
in cualchi conte si dîs che la aghe si à di lassâle intun cjaldîr di ram, e che ancje il cop par cjapâle sù al à di jessi di ram, se di no i muarts si rabiin e a sdrondenin dutis lis pignatis de cusine (Sandri Carrozzo, Friûl di Magance);
la cjampane e veve batût nûf colps intal scûr. Cualchi minût dopo, la tiere si je metude a tremâ, a sdrondenâ lis cjasis come se e ves voie di gjavâses de schene (Cristina Noacco, Faliscjis)
Sin. scjassâ
, sacodâ
, spacâ
, sdarnâ
, sbatacolâ
, sbalotâ1
-
bati plui voltis:
al partive come il folc e al tacave a sdrondenâ puartis e barcons par che i vierzessin (Antoni Beline, Pre Pitin)
-
dâ jù pachis:
il public al voleve sdrondenâlu parcè che a jerin convints che al si fos fat comprâ de scuadre dai amaruts (Stiefin Morat, Adalt abàs)
-
v.tr.
(scherç.)
puartâ ator cdn. cuntun mieç di traspuart che al à vibrazions, tant che la caroce, il cjar e v.i.:
une volte o marcjavi simpri a pît, / lavi a cjatâ i amîs, / cun lôr o me soravi un cuatri dîs; / ma in vuê, che son sunâts sessantesîs, / se vuei lâ fûr di ca / devi par fuarce fâmi sdrondenâ (Pieri Çorut, Un viaç fortunât)
-
v.intr.
movisi ca e là cun fuarce e vibrazions e sunsûr:
i cjars a passavin sdrondenant par stradis intorteadis tai cjanâi (Dino Virgili, La aghe da pît la cleve);
al bute fûr da puarte il çoc che al si rodole sdrondenant jù pes scjalis (Pieri Somede dai Marcs, Al fresc)
Sin. sdarnâ
, sbalotâ
-
v.tr.
(fig.)
dâ un stimul, massime par fâ vignî fûr di une cundizion di inerzie o di passivitât:
sintât suntune bale di stran, sot de barconele grise di sgjarpiis, al veve tacât a fâ cori lis sôs fantasimis; e cussì fin che la vôs di sô mari no lu veve sdrondenât (Gianni Gregoricchio, Îr e doman)
Sin. sburtâ
, scjassâ