sveâ
sve|â
[FO]
-
v.tr.
fâ che cdn. nol duarmi plui:
al tornà te cjamare, al sveà la 'Sese, i contà la grande novitât (Tarcisio Venuti, La cjase di Toni);
al slargjave il «Gazetin» e si meteve a lei, e cussì, dispès, si indurmidive parsore, e al polsave fin che il fracàs de mularie lu sveave (Pieri Menis, A scuele);
la lûs lu sveà tor cinc come simpri, e nol fo bon di restâ tal jet nancje un minût di plui (Carlo Sgorlon, Prime di sere)
Sin. dismovi
, disveâ
Var. sveiâ
-
v.tr.
(fig.)
gjavâ di une cundizion di inerzie, di sflacje o ancje di benstâ, di ingjenuitât:
une grande disgracie e vignì a sveâle (Catarine Percude, La mulinarie)
Sin. niçâ
, dismovi
, disveâ
-
v.tr.
(fig.)
fâ nassi sintiments, desideris, pinsîrs:
chê voie di meti dut in biel e veve sveât la curiositât de place (Maria Forte, Cjase di Dalban);
su la mê schena i sintivi i tiei dêts / la legria dai tiei flancs che a sveava las voias (Giorgio Ferigo, La sô puema);
i parlamentârs furlans […] a percepivin in Friûl la domande identitarie che l'Mf al veve sveade (Adrian Cescje, Memoriis di politiche linguistiche)
Sin. saborâ
, stiçâ
, dismovi
, disveâ
-
fâ vignî o sintî une bisugne fisiche:
o començavi a mangjuçâ i regâi di Remo, robe che mi sveave la fam (Alan Brusini, Gian Paolo Linda, I forescj)
Polirematichis e espressions idiomatichis