smovi
/-ó-/
smo|vi
[CO]
-
v.tr.
movi cuntune cierte intensitât, cuntun ciert sfuarç:
la aghe e faseve movi lis ruedis che a smovevin lis muelis che a masanavin i grans (Gianfranco Ellero, Pan)
-
v.tr.
movi alc o cdn. in maniere che nol sedi plui fis, fer, blocât:
cundune man si cjape chel [morarut] che si à di tirâ fûr, e cun chê altre si ten ferme la tiare ator par no smovi chei che son dongje (Giuseppe Ferdinando del Torre, Il contadinel. Lunari par l'an bisest 1856)
-
v.tr.
inviâ un mudament, un moviment, une dinamiche, une reazion ancje di alc di imateriâl:
se no jere bastade une vuere a fâ mudâ li robis oreve dî che no si podeve propi smovilis plui (Zuan Morsan, Zovin di lune);
motîfs culturâi e etnics, zontâts a motîfs gjeografics, storics, sociâi e di culumia, a àn di smovi un discors pulitic (Nelso Tracanelli, «No! No sin venessians e basta»)
-
v.tr.
fâ sveâ cdn. che al duar:
forsi pui stracs dal normâl o par vie de cene pesante [...] ancje alçant la vôs el nono nol rivave a smovi nissun (Gino Della Mora, El nono Pieri)
Sin. dismovi
, sveâ
, disveâ
-
v.tr.
fâ nassi o dâ vivôr a un sintiment, a une sensazion, a un umôr e v.i.:
balets e vilotis / e il so bon vin / famosis trê notis / par smovi il morbin (Michele Grion, Cheste je Caprive)
Sin. dismovi
, sveâ
, disveâ
, stiçâ
, saborâ
-
v.tr.
fâ cambiâ idee, persuadi dal contrari:
"Vuei dîti nome chist in proposit de nestre morâl. La nestre e à di jessi ancje la tô. Âstu capît ? E no mi lassi smovi." (Maria Gioitti del Monaco, Arbe mate)
Sin. convertî
, dispersuadê
, dissuadi
, divoltâ
, straviâ
, sviâ
, discjoli