convertî
con|ver|tî
[AF]
-
v.tr.
convinci cdn. a cambiâ di religjon o a cjapâ sù une cierte religjon:
Ramacul al tornà di strade e al convertì putrops aquileiês, e al le, simpri predicjant, fin su lis montagnis venitis, tal Cjadovri e fintremai a Trent (Dino Virgili, La aghe da pît la cleve);
[Sant Anselm]al fevele di Sant Jacum come di chel che «par prin al à convertît i popui de Spagne» (Antoni Beline, Sant Jacum, là che al finìs il mont)
-
convinci cdn. a mudâ di idee o a cjapâ sù une cierte idee:
ti àn convertît a pensâ a un mont gnûf indulà che a si dovarès vivi ducj come tun furmiâr, ducj di un stes colôr, ducj vistûts compagn (Tarcisio Venuti, La cjase di Toni)
Sin. convinci
Cfr. divoltâ
-
v.tr.
mudâ, trasformâ:
fat al è che ogni an, la vee del sant, la sô glesie la convertissin tun magnific durmitori (Giovanni Gortani, La cjargnele dal avout)
Sin. mudâ
, trasformâ
, voltâ
, cambiâ
-
passâ di un sisteme intun altri mantignint une ecuivalence o une proporzion:
par une valutazion complessive de emission radioative si convertìs la radioativitât dal cesi in jodi-ecuivalent, moltiplicantle par un fatôr 40 (Alessandro Pascolini, Il disastri de centrâl nucleâr di Fukushima Dai-ichi)