Dizionari de Lenghe Furlane

mudâ  mu|dâ  [FO]

1. v.tr. fâ che alc o cdn. a sedin diviers:  intune cooperative che e veve mudât di plante fûr la sô struture al è clâr che a podevin saltâ fûr dai problemis (Max Mauro, Un Friûl difarent: i 90 mhz di Onde Furlane); e ogni volte che la buere politiche e mude direzion, a scuegnin mudâle ancje i libris di storie (Josef Marchet, Cuintristorie dal Friûl fin sot la Italie); al cirive di induvinâ la misure di une bale, o di chê altre, dal balìn; o, cjalantle tal so svol, al calcolave se e podeve stocâ e mudâ dut il zûc (Maria Forte, La tiere di Lansing)
   Sin. cambiâ , trasformâ , stramudâ , voltâ
2. v.tr. meti sù vistîts o sim. diviers, nets:  la Ulive e spesseà a mudâ i panzei [ae frute] (Maria Forte, La tiere di Lansing)
3. v.tr. doprâ alc di diviers:  "Chest tren al va par Zurì, par lâ a Olten lui al à di montâ su chel di Basilee. Se al cjape chel chi, al scugnarà mudâ tren ancje a Arth-Goldau" (Agnul di Spere, In viaç di domenie)
   Sin. cambiâ
4. v.intr. deventâ diviers:  sentâts fûr de puarte si paravin des moscjis dispetosis dal timp che al mude (Maria Forte, La cjase dal Murat); la muse ridinte e veve mudât a colp di espression (Franca Mainardis, Aiar di cjase); alc al jere mudât: invezit des tamossis di forment e di siale, si viodevin balis di stran (Lucio Perès, Messe a Sant Zuan)
   Sin. cambiâ , convertîsi , voltâ , voltâsi , mudâsi
   
   1. dâsi la volte:  disculurîsi bel che a mudin li stagjons (Novella Cantarutti, Val intun sum)
5. v.intr. jentrâ intune cundizion o situazion divierse:  mudâ di lavôr; mudâ di cjase
   Sin. cambiâ , stramudâ , mudâsi

Polirematichis e espressions idiomatichis

• mudâ colôr loc.v.
• mudâ discors loc.v.
• mudâ ferade loc.v.
• mudâ idee loc.v.
• mudâ la solfe loc.v.
• mudâ muse loc.v.
• mudâ piel loc.v.
• mudâ pinsîr loc.v.
• mudâ regjistri loc.v.
• mudâ scusse loc.v.
• mudâ sunade loc.v.

Proverbis:

• a fuarce di tacons, si mude i bregons
• bisugne cjalâ abàs prin di mudâ il pas
• cualunche ignorant al sa mudâ ma pôcs savis a san miorâ
• cui che al mude paîs al mude costum
• cul mudâ stât si mude usance
• la bolp e mude il pêl ma il vizi mai
• la fam e mude la fave in mandulis
• lis cuatri temporis a mudin il timp
• mudâ stât, mudâ usance
• plui si mude e piês al è
• si mude mulin ma no mulinâr
• si mude mulinâr ma no mulin
• si mude musicants ma no musiche
• si mude musiche ma no musicants