voltâsi
vol|tâ|si
[FO]
-
v.pron.tr.
viôt voltâ
-
v.pron.intr.
cambiâ di posizion o di direzion, soredut indreçantsi cu la muse o cui voi o cul cuarp di une cierte bande o di une altre bande:
mi cjalâ un moment, po si voltà a fevelâ cun sô gnece (Agnul di Spere, In viaç di domenie);
une veture gruesse e potente che la zoventût si voltavin a cjalâle (Alan Brusini, Par stradis lungjis)
Sin. rivoltâsi
, zirâsi
-
cjapâ une direzion, une inclinazion o sim.:
a passarin cuatri autos blindâts. Un al sbandà su la glace e si voltà denant daûr (Agnul di Spere, Messe di misdì a Varsavie);
bocons di pâi che a rezin dôs grandis filis di reticolâts intiessûts fin adalt e che adalt si voltin par dentri (Ivano Urli, Storie di Min)
-
(fig.)
cjapâ un indreçament ideâl, politic, professionâl, di compuartament e v.i.:
a son stâts bogns servidôrs dai todescs, po dal guvier di diestre, cumò si son voltâts a sinistre (Guido Antonioli, Florean dal Palaç, I, 1)
-
v.pron.intr.
vê une evoluzion, un mudament, te forme o ancje te sostance:
pronostics sul voltâsi des lunis (Maria Forte, Cjase di Dalban);
nol è che, dopo di in chê volte, la clime, par Catine, si voltàs di bon (Gianni Gregoricchio, Trê feminis);
dute une vite che si voltave, che e mudave (Dino Virgili, La aghe da pît la cleve)
Sin. cambiâ
, mudâ
-
mudâ dal dut:
viodi une tâl e murî! Ce vûstu viodi altri, se fos vere… Ca il mont si volte! (Dino Virgili, La aghe da pît la cleve)
Sin. ribaltâsi
, savoltâsi
-
v.pron.intr.
cambiâ di idee:
mi puedin ben copâ, / ma no fâmi voltâ / dal mio pinsîr (Ermes di Colorêt, II, 40)
-
v.pron.intr.
[TS]
enol.
dal vin, pierdi il so savôr, lâ di mâl
Sin. sviersâsi
Polirematichis e espressions idiomatichis
Proverbis:
- cuant che si sta mâl di une bande, si voltisi di chê altre
- cui che al sta ben che no si volti
- se tu mangjis luvins e tu ti voltis indaûr tu viodarâs cualchidun a mangjâ lis scussis