Dizionari de Lenghe Furlane

voltâsi indaûr    [AF]

1. loc.v. zirâsi de bande de schene, soredut par cjalâ:  si voltà indaûr a cjalâ spaventât jù pal gravâr de Tor e al viodè une trope di int intor dal so cjar là jù (Dino Virgili, Il cjaradôr des animis); a dute gnot e jere partide; sul puarton dal "cjasalat", si jere voltade indaûr, lu veve cjalât sustade, e i veve tirade la ultime scoreade: "Avrai presto notizie dal mio avvocato!" (Franca Mainardis, Il sium di Lissandri)
   Sin. voltâsi daûr , zirâsi indaûr , voltâsi
   
   1. (fig.) pensâ al passât:  voltâsi indaûr cul cûr sglonf di nostalgjie (Antoni Beline, A 'nd è ancjemò furlans)

Components:

• indaûr av., inter., adi.inv.
• voltâsi v.pron.tr., v.pron.intr.