Dizionari de Lenghe Furlane

voltâsi di chê altre bande    [BF]

1. loc.v. metisi in maniere di dâ la schene a alc o a cdn., di no cjalâlu, di no jessi viodût e v.i.:  sintint che e jere daûr a ingropâsi une altre volte, si voltà di chê altre bande (Carlo Sgorlon, Prime di sere); nol podeve durmî, e si remenave voltantsi di chê altre bande cu la muse dentri dal cussin, come tune pôre di cuissà ce (Dino Virgili, La aghe da pît la cleve)
   Sin. zirâsi di chê altre bande
2. loc.v. (fig.) fâ come di no viodi, di no savê, no cjapâ in considerazion, no judâ e v.i.:  e je tante la int che si volte di chê altre bande, pensant dome par se (AAVV, Sul florî); che lis robis no ledin par nuie ben al è sot dai voi di ducj, ancje se cualchidun al à miôr voltâsi di chê altre bande (Carli Pup, Une Regjon che i vûl mâl ae sô lenghe e ae sô autonomie)
   Sin. zirâsi di chê altre bande

Components:

• altri adi.indef., pron.indef., adi., pron., av.
• bande s.f., prep.
• voltâsi v.pron.tr., v.pron.intr.