discjoli
/-ò-/
dis|cjo|li
[AF]
-
v.tr.
gjavâ vie, dislontanâ cdn. o alc:
a discjolevin i voi di intor e a disevin - Sì, sì… - imberdeâts di peraule (Dino Virgili, La aghe da pît la cleve);
a preava un recuie par che Diu al distolès da la sô anima la maladission (Novella Cantarutti, I voi di Miriscja)
Sin. cjoli
, gjavâ
, gjavâ vie
, slontanâ
, dislontanâ
Var. distoli
-
v.tr.
gjavâ la concentrazion o ancje la tension, slontanâ di une ativitât, di un pinsîr, di un interès, di un intindiment e v.i.:
alore si brame dome di jessi bessôi e che nissun vegni a discjoli cun peraulis di om (Josef Marchet, Il cjanâl vistût di blanc);
l'om al capità, dut une sponze di sudôr e sbarlufît di sei discjolt dal so lavôr (Maria Forte, La tiere di Lansing);
a discjolilu di chei pinsîrs, al rivà une rombe di motôr che si fermave difûr de puarte (Roberto Ongaro, Il muc)
Sin. gjavâ
, slontanâ
, straviâ
, sgraviâ
, distrai
-
convinci di lassâ pierdi alc:
parincj e amîs a cirivin di discjolilu [dal maridâsi], e a vevin metût sot ancje il podestât parcè che lu fasès jentrâ in reson (Pieri Somede dai Marcs, Nardon e Vigjute di Nani)
Sin. convertî
, dispersuadê
, dissuadi
, divoltâ
, straviâ
, sviâ