slontanâ
slon|ta|nâ
[FO]
-
v.tr.
(ancje fig.)
fâ che alc o cdn. al stedi mancul dongje:
al tirà fûr il sfuei e lu slontanà dai voi par rivâ a lei alc (Carlo Sgorlon, Prime di sere);
i le dongje al pari. "Pai…" Ma chest le slontanà cuntun sburton (Gianni Gregoricchio, Trê feminis)
Sin. dislontanâ
-
fâ jessi mancul dongje tal timp o te probabilitât:
il soreli al fâs tremâ l'aiar e confont dut tun lusôr che disinfete la tiere e al somee slontanâ il lâ a mâl de cjar (Sandri Di Suald, Ah! la provincie)
-
fâ stâ mancul dongje o mandâ vie dal pinsîr o dai afiets:
Joseph Richard i steve daûr ae contessine Maria Josefa Torres, e ancje Casanova […] i jere stât daûr a lunc, cirint di slontanâle di chest Richard (Pierluigi Visintin, Friûl e furlans te Histoire de ma vie di Giacomo Casanova);
e veve almancul un diversîf, une distrazion che le slontanave dai pinsîrs plui neris (Carlo Sgorlon, Ombris tal infinît)
-
mandâ vie di un puest, di une funzion:
[l'ispetôr] al jere stât slontanât dal câs cun tante pocje creance e sensibilitât (Roberto Ongaro, Cretevierte)
Sin. mandâ vie
, parâ vie
-
fâ jessi diferent o plui diferent:
il numar da lis variantis che a slontanin une version di chê altre al è alt (Zorç Cadorin, Doi autografs di Toni Broili framieç dai manuscrits furlans di Berlin conservâts a Cracovie)
Sin. distingui
, diferenziâ