promovi
/-ó-/
pro|mo|vi
[FO]
-
v.tr.
fâ passâ di une incjarie, vore, classe e v.i a une altre plui alte:
cemût mai che mi àn promovût di serie si sta un lamp a spiegâlu […] a fuarce di scartâ un e chel altri mi capità la nomine a mi (Antoni Beline, Pre Pitin);
Rico al jere un dai miôr tiradôrs e lu vevin promovût colonel de armade (Checo Tam, I nemîs)
Sin. passâ
-
v.tr.
inviâ une iniziative, tacâ a metile in vore:
il guvier federâl [dal Canadà] al à decidût di promovi acuardis cui Stâts de Europe (Christian Romanin, Sandra Pizzolitto Pupatello: «Furlan is better! Il Friûl? La puarte de Europe pal Canadà»);
Cavedalis […] al veve promovût il 3 di Otubar dal '48 une leç che e proibive ai militârs di fâ part dai circui politics cence autorizazion dai superiôrs (Giovanni Pillinini, Zuan Batiste Cavedalis - Une vite esemplâr)
Sin. inmaneâ
, meti in vore
-
v.tr.
fâ cognossi, fâ vê sucès a un prodot, a un setôr, a un valôr e v.i.:
pes viis dal paîs, a jerin barachins colorâts par dâ fûr e par promovi vins e prodots agroalimentârs (Daniele Martina, Alessandro Ortis premiât a Bertiûl);
il teatri popolâr al veve bisugne di jessi promovût e di vê un coordenament tra i piçui grups (Max Mauro, Un Friûl difarent: i 90 mhz di Onde Furlane)
Sin. propagandâ
, prudelâ
, sostignî
, pandi
, tignî sù
, sburtâ
-
v.tr.
[TS]
zûcs
intal zûc dai scacs, mudâ il pedon rivât insom de scachiere cuntun toc che al vâl di plui:
il pedon mot in otave al ven promovût a regjine (Nilde Teresa Negro, Zuìn di scacs)