realizâ
re|a|li|zâ
[FO]
-
v.tr.
fâ che alc che al jere dome un pinsîr, un desideri, un progjet e v.i. al deventi concret, al sucedi:
in cont ai aspiets ermetics, mistics, magjics operatîfs dal Teatri [de memorie] che, za lu ai dit, jessint une imagjin dal mont al realizave l'insium di Ficino di un potentissim talisman cosmic (Mario Turello, Il brevet);
chest al veve tal spirt, progjets seris che forsit nol varès mai viodût a realizâ ad in plen, ma che al varès di sigûr lavorât par lôr cun dutis lis sôs fuarcis (Franca Mainardis, Il sium di Lissandri);
Furlans e Carintians […] a son rivâts adore di realizâ cheste intese, di cjatâsi, di dâsi la man, di intindisi, cundut che a fevelin lenghis diferentis (Josef Marchet, Lis scjalis dal cjiscjel)
Sin. concretizâ
, inverâ
, fâ
Cfr. meti in vore
-
in sens gjeneric, puartâ insom, fâ alc:
tal 1999 al ven realizât di Luca Peresson e Carlo Della Vedova un videodocumentari su la comunitât di Colonia Caroya intitulât "Farcadice" (Max Mauro, Un Friûl difarent: i 90 mhz di Onde Furlane);
o fevelarai no dome di sculture, ma ancje di piture par vie che cualchi artist al à realizât i siei lavôrs cun dutis dôs lis tecnichis (Bepi Agostinis, Storie de art in Friûl)
Sin. fâ
-
v.tr.
[TS]
econ.
tal lengaç economic, trasformâ un alc in bêçs licuits
-
v.tr.
[TS]
sport
(ancje ass.)
fâ un gol, un pont o sim.:
al tire il rigôr e al realize
Sin. fâ
, segnâ
-
v.tr.
rivâ a capî ben:
Roxane e stave ancjemò realizant a ce che e servìs chê "instalazion" (Checo Tam, La comete);
no tu rivis a concepî l'infinît, parcè che nol è e nol pues jessi comprensibil dentri tun cjâf finît, e tal stes timp, intal stes moment li che tu realizis cheste impussibilitât, no tu rivis a concepî che nol "esisti" (Fabian Ros, Il lôf)