proviodi
/-ód-/
pro|vio|di
[AF]
-
v.intr.
impegnâsi par rivâ a un ciert risultât, par vê un ciert efiet, par che alc al sedi fat, par cjatâ e meti in vore une soluzion e v.i.:
o proviodarai jo di comedâ la robe (Roberto Ongaro, Il muc);
la aministrazion de cjosse publiche e je ancjemò medievâl, che la leç no rive a proviodi pe juste distribuzion dai mieçs (Josef Marchet, Cirî la caritât);
pai dams a proviodin lis sigurazions (Pieri Piçul, Vieri e gnûf)
Sin. viodi
, procurâ
, stâ daûr
Var. projodi
, provedê
-
fâ in maniere che cdn. o alc al vedi ce che i covente, al ledi indevant ben, al sedi in buinis cundizions e v.i.:
"Us da di maravee che a chei fruts si ur proviodi…, parcè che ai fîs i vûl proviodût […]?" (Alviero Negro, Int di masnade);
la opare di misericordie dal proviodi ai malâts (Antoni Beline, La globalizazion de sensibilitât)
-
v.tr.
(ancje fig.)
fâ vê alc:
proviodi chei furniments che a coventin o che a van ben intune glesie (Josef Marchet, Lis predicjis dal muini)
Sin. procurâ
, dâ
, furnî
Cfr. dotâ
, indotâ
-
(ancje ass.)
cirî di vê alc, soredut di mangjâ, par se stes o par altris:
e jere dome jê che, di rif o di raf, e puartave dongje par ducj: il pari nol jere in stât di proviodi (Maria Forte, Mabile la Lunghine)
-
comprâ o cjoli, par se stes o par cdn. altri:
i proviodarai un pâr di stafets cul floc su la ponte al marcjât di Sant Denêl, cheste setemane che e ven (Arturo Feruglio, Viaç a Vignesie)
-
v.tr.
viôt previodi
:
cui che al paie l'abonament televisîf ae Rai al à dirit di viodi transmissions e a vê informazions ancje par furlan, come che e proviôt la leç (Renato Cracina, Denunziade la RAI)
Proverbis:
- a cui che al crôt, diu al proviôt
- cui che nol à cjaval e al proviôt scorein, siele e spiron, se al vûl al è un mincjon
- Diu al viôt e al proviôt
- ognidun che al proviodi ai câs siei