previodi
/-ó-/
pre|vio|di
[FO]
-
v.tr.
savê alc prin che al sucedi, spec. daûr di une facoltât sorenaturâl o di un rituâl:
par previodi cemût che a saran i mês dal an che al jentre si cjalin lis dodis zornadis jenfri dal 25 di Dicembar e dal 6 di Zenâr o lis primis dodis zornadis dal an (Sandri Carrozzo, Nadâl)
Sin. olmâ
, predî
, presagjî
, presintî
, profetâ
, profetizâ
, pronosticâ
, strolegâ
Var. proviodi
, prejodi
, prevedê
-
v.tr.
pensâ alc prin che al capiti, massime su la fonde di segnâi, pussibilitâts, probabilitâts e v.i.:
si à di calcolâ une vore ben chês che a podaressin jessi lis consecuencis de nestre mosse e previodi cemût che al rispuindarà l'aversari (Nilde Teresa Negro, Zuìn di scacs);
al è facil di previodi che, se la nestre Regjon e cjaparà decisions par coordenâ la organizazion des scuelis e dâur diretivis, e intervignarà la Cort costituzionâl (Adrian Cescje, Memoriis di politiche linguistiche);
o vevin vût une vore di spesis che nus vevin suiât ogni nestri sparagn, e o previodevin di vênint inmò tun doman (Meni Ucel, Culumiis)
Sin. calcolâ
, figurâsi
, imagjinâ
, intuî
, ipotizâ
, presintî
, presumi
, presuponi
, prossumâ
-
v.tr.
considerâ tant che câs, element, efiet e v.i. intun complès plui larc:
une diete sane e previôt almancul 5 porzions di pomis e verduris ogni dì (Guglielmo Pitzalis, Mangje san 2);
il concors al previôt pal miôr luncmetraç un premi di 6 mil euros (Fabian Ros, Babel Film Festival)