ridusi
/-ù-/
ri|du|si
[FO]
-
v.tr.
puartâ a une dimension, misure, cuantitât, intensitât plui piçule:
si jere rivâts a ridusi in progression il numar dal personâl, fin a lassânt dome doi di lôr (Stiefin Morat, Kebar krossè);
a partî dai prins agns '80, si è rivâts a ridusi une vore lis emissions in atmosfere di solfar (Dario Bianchini Giaiotti, Fulvio Stel, Clime e incuinament: prime l'ûf o la gjaline?)
Sin. calâ
, mandâ jù
, diminuî
, sbassâ
, staronzâ
, strenzi
, taiâ
-
v.tr.
fâ che alc al cambii di forme, consistence e v.i.:
lessâ lis fueis di guselâr in aghe salade, passâlis pe passadorie di cusine, ridusintlis in purè (Giorgio Pascoli, Il Litum: jerbis salvadiis te cusine);
Zebec al veve sudât sanc par butâ jù un cjastinâr […] par seâlu e sclapâlu, par strissinâlu fûr dal bosc […] par ridusilu in sclops e par meti in tasse, tal ultin, i sclops (Meni Ucel, Zebec)
Sin. fâ
, parâ
-
puartâ a une cierte cundizion, soredut negative:
[Vignesie] e veve comandât in Friûl par 376 agn e cualchi mês: in dut chel timp e jere rivade adore di ridusilu come un peçot sbridinât (Josef Marchet, Cuintristorie dal Friûl fin sot la Italie);
gnovis barbariis indulà che a ridusin i oms a numar (Tarcisio Venuti, La cjase di Toni);
intai ultins agns une malatie di gnerfs le veve ridote impotente (Catarine Percude, La brût)
Sin. menâ
, parâ
-
v.tr.
puartâ a un ciert compuartament:
nissun al fo bon da ridusi il vecju a tornâ jù ta la vila (Novella Cantarutti, La aga di Plan da li steli)
Sin. costrenzi
, indusi
, convinci
, puartâ
, pleâ
-
v.tr.
tornâ a scrivi un test intun altri gjenar o forme:
par ridusi in forme resonade e coerente ce che nus mandin i nestris amîs, nus tocje par solit di tornâ a scrivi dut di plante fûr (Josef Marchet, Dome un rimiedi par salvâ il furlan: insegnâlu tes scuelis)
Sin. adatâ
, meti
, rangjâ
, voltâ
-
[TS]
mus.
justâ une partidure di musiche par che e puedi sei eseguide di un ciert strument
-
v.tr.
[TS]
chir.
tornâ a meti un orghin in cundizions normâls:
ridusi une ernie;
ridusi une frature
-
v.tr.
[TS]
chim.
(ancje ass.)
fâ che e sucedi une reazion di riduzion, ven a stâi, gjavâ ossigjen a un compuest
-
v.tr.
[TS]
mat.
eseguî operazions par vê la forme plui semplificade di une espression matematiche, lavorant su sumis di monomis, frazions e ecuazions
-
v.tr.
[TS]
metrol.
fâ passâ un numar di une unitât di misure a chê altre o metilu intun sisteme di misure diferent
Sin. voltâ