Dizionari de Lenghe Furlane

rangjâ  ran|gjâ  [AF]

1. v.tr. fâ che alc, o ancje cdn., al sedi preparât te maniere juste, al vedi une forme e une disposizion juste, ordenade, che e pari bon, che e ledi ben par une cierte funzion e v.i.:  Guri si veve tignûts dongje siei fradis e al stave li a cjalâju che a finivin di rangjâ i lôr grabatui (Dino Virgili, La aghe da pît la cleve); vuei lâ a fâmi rangjâ barbe e cjavei (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
   Sin. justâ , regolâ , sestâ , sistemâ , comedâ
   Cfr. aparâ , parâ , preparâ , parecjâ
2. v.tr. (fig.) dâ a cdn. il tratament o la punizion che si merete:  confesse mo! Parcè i âstu fat chest displasê a tô agne? Ti rangjarai jo cumò! (Maria Gioitti del Monaco, Il sacrilegjo); vuei rangjâ il forestîr e il citadin / e no fâi di cjapiel par nissun cont; / vuei tontonâ cun ducj e par morbin / ridi te muse al professôr e al cont (Spartaco Muratti, Se al torne a nassi)
   Sin. cuinçâ , meti a puest , sistemâ , petenâ , cuinçâ cu la cevole , cuinçâ cu lis cevoletis , cuinçâ di fieste , cuinçâ di fiestis , regolâ , regolâ di fieste , regolâ di fiestis , vualivâ la schene , vualivâ lis comissuris
3. v.tr. fâ in maniere di vê o fâ vê, ancje a la mancul piês:  jara difizil cjatà zucar, sâl, cjar, lat e verduris e dome a la "borsa nera" si podeva rangjâ alc (Luciano Spangher, La cuviartoria di fîl di bombâs)
   Sin. cumbinâ , imbastî¹ , procurâ , dâ dongje , meti dongje
4. v.tr. (ancje ass.) fâ in maniere di vê alc che no si à il dirit di vê:  ancje Gjildo al bandonà la sô idee e al continuà a paiâ il cuartês, rangjant, par altri, come che si usave, cualchi pesenâl (Riedo Pup, I furlans e i predis); a rusinavin che al tirave il centesim, ma lui al pensave che, cun chel nol rangjave nuie a dinissun (Maria Forte, La tiere di Lansing)
   Sin. robâ , freâ , sgrifignâ
   
   1. fâ crodi une robe par une altre, par otignî un vantaç in dam di altris:  Ricut si faseve rangjâ di chei che a savevin cuistâlu cul lico des peraulis (Maria Forte, La tiere di Lansing)
      Sin. imbroiâ , ingjanâ , remenâ , zirandolâ , freâ , freolâ
5. v.tr. [TS] mus. (ancje ass.) trasferî une scriture di musiche cun rangjament:  o clucivi di un pôc di timp la idee di rangjâ cjançons dal patrimoni culturâl furlan e dâur une ande plui moderne (Mauro Missana, Miani: un tribût al Friûl)