Dizionari de Lenghe Furlane

preparâ  pre|pa|râ  [FO]

1. v.tr. fâ che alc al sedi pront par jessi doprât, proviodi alc di dut ce che al covente par metilu in vore, par doprâlu:  al decidè alore di lâ a Osôf e di rinfuarçâ chê posizion furnintle di un cuarp di 600 militârs, di canons e di munizions e preparant parepets e trinceris (Giovanni Pillinini, Zuan Batiste Cavedalis - Une vite esemplâr); cul britulin al preparave lis archetis pai uciei cun menadis di sanzit e filiduris di cjanaipe (Maria Forte, Il vivi al è chel rangjâsi)
   Sin. fâ , dâ dongje , meti adun , meti sù , parâ dongje , prontâ
   Cfr. imbastî¹ , inmaneâ
   
   1. fâ alc che al domande une organizazion di ideis, concets, contignûts e v.i.:  la radio e veve juste une stanzie dulà che si faseve dut, dal rispuindi al telefon a preparà i notiziaris e fâ lis riunions (Max Mauro, Un Friûl difarent: i 90 mhz di Onde Furlane)
      Sin. dâ dongje , meti adun , meti jù , imbastî¹ , prontâ
   2. fâ lis operazions che a coventin par iniziativis, ativitâts organizadis e v.i.:  pai ultins di carnevâl i frutats dal paîs a vevin preparât une comedie (Pieri Somede dai Marcs, La comedie dal mus)
      Sin. dâ dongje , imbastî¹ , impastanâ , implantâ , meti in pîts , meti sù , organizâ , parecjâ , prontâ , inmaneâ
2. v.tr. fâ alc di mangjâ, plui o mancul elaborât:  Milie dut il dì e jere stade in gjambe, cence padin par preparâ il gustâ dal doman (Pieri Menis, Si disarès che e je inventade); dati une regolade biel che o ti prepari un cafè fuart (Sandri Di Suald, Ah! la provincie); a lis vacjis ur preparave une raine di sope di vin cuntune bine di pan e un pugn di semule (Riedo Pup, I furlans e lis bestiis)
   Sin. dâ dongje , fâ , parecjâ , prontâ
3. v.tr. dâ informazions e istruzions par che cdn. al sedi pront par fâ une cierte ativitât o par passâ une prove:  rinfuarcî i cors di prime formazion, chei che a preparin i/lis mestris de scuele de infanzie e des elementârs (Silvana Fachin Schiavi, I dîs agns de leç n. 482/99)
   Sin. alenâ , inscuelâ , sfrancjâ
4. v.tr. visâ in mût di meti intune situazion psicologjiche juste par acetâ e frontâ alc:  cuant che un malât al jentre in Terapie intensive, cu la famee o soi "trist": o prepari al piês e no doi sperancis parcè che o preferìs jessi smentît pluitost che creâ ilusions (Christian Romanin, Amato De Monte: Il Friûl, patrie des bataiis di civiltât)

Proverbis:

• cui che al à di maridâsi a carnevâl, di avent che al prepari la cjamare
• cui che al prepare la buse pai altris se fâs par se