Dizionari de Lenghe Furlane

meti in pîts    [AF]

1. loc.v. fâ che alc o cdn. al stedi in pîts, dret, verticâl e v.i.:  alore cuatri mans lu cjaparin pai braçs e lu meterin in pîts e, a sburtons e pidadis tal cûl, lu menarin tal ufici dal cjapitani (Roberto Ongaro, Il muc)
   Var. meti impins
2. loc.v. fâ une costruzion:  a son rivâts a meti in pîts un fabricât che al pâr un bombon (Josef Marchet, Lis predicjis dal muini)
   Sin. fâ sù
3. loc.v. fâ jessi in buinis cundizions, soredut di salût, di bêçs e v.i.:  je ancje mê muîr che si messede, / se ben che di dì in dì / spiete di parturî; / à impegnât i peçots, brighe, lavore, / e va a durmî tardon, jeve a buinore / insume e fâs di dut / par judâ a meti in pîts il so Çorut (Pieri Çorut, Il Strolic furlan par l'an 1852); i monuments cu lis listonis di nons no paiavin i muarts, e nancje Trent e Triest no zovarin a tornâ a meti in pîts la culumie fruçade (Francesc Placerean, Cuintristorie dal Friûl dal 1866 fint in dì di vuê)
4. loc.v. (fig.) fâ che alc al scomenci a esisti, a funzionâ:  de stesse idee a jerin altris personis che pûr no vint partecipât ae Union popolâr furlane a vevin maduride la convinzion che si ves di provâ a meti in pîts un mieç di informazion indipendent (Max Mauro, Un Friûl difarent: i 90 mhz di Onde Furlane)
   Sin. meti sù

Components:

• meti v.tr.
• pît s.m.