sfrancjâ
sfran|cjâ
[CO]
-
v.tr.
liberâ di une cundizion di sclavitût o servitût:
[i sclâfs] podevin sei sfrancjâts (Sandri Di Suald, Tarvos e i Longobarts)
Sin. liberâ
, diliberâ
-
liberâ di une dominazion:
chê spedizion, la Tierce Crosade, a jere stade inmaneade cinc agns prin di Pape Grivôr VIII, par sfrancjâ lis Tieris Santis da la dominazion dai maumetans (Gianluca Franco, Re Ricart in Friûl)
-
v.tr.
liberâ di un vincul, di un oblic, di un debit e v.i.:
i vevi granda dibisigna di bêçs par sfrancjâ la cjasa [des ipotechis] (Bepo Rupil, Lu fouc voladi);
«Al è il moment di risisti, par sfrancjâ la frabiche dai debits» (Eugjeni Marcuç, Liende a Sant Zuan)
-
v.tr.
liberâ di cualsisei cundizion o situazion negative o limitade:
cuissà che no si rivi a sfrancjâ la lenghe dal sempliç assistenzialisim par deventâ pardabon element di cressite economiche e sociâl, tant che al è capitât in Gales e in Catalogne (Erika Adami, La lenghe furlane tai mieçs di comunicazion)
-
v.tr.
dâ licence, liberâ di inibizions:
o sin lâts a bevi une bire che nus à sfrancjât la lenghe suntun argoment un grum interessant (Mario Falescjin, Criteris par tratâ il len)
-
v.tr.
fâ deventâ brâf, espert, svelt intune ativitât:
sfrancjâ la int te leture in marilenghe e tal ûs de grafie (Lucio Perès, E la Tv par furlan? La esperience des televisions di minorancis europeanis);
tirâ sù e sfrancjâ cheste zoventût che e sepi di ce bande che si cjape la sclope (Ivano Urli, Nella casa di faccetta nera)
-
s.f.
paiâ e in câs tacâ un contrassegn di paiament par mandâ o par cjapâ une letare, un pac e v.i.:
[i bagais] no rivavin mai dongja: dopo un pieç ai savût che vevi di lâ jo a sfrancjâju e che al era tant timp che a erin intal depueisit (Silvia Puntel, Cuant che i emigrants erin nou)