parecjâ
pa|re|cjâ
[AF]
-
v.tr.
fâ che alc al sedi pront:
la mame e parecjave par fânus il bagn complet: e meteve suntun scagnut la blancjarie monde e tal ricès di soreli mieze podine di aghe par che si inclipissi (Lucio Perès, Vilie di fieste);
chel an li, che aromai o vevi cinc agns, mi è tocjât a mi di parecjâ il presepi (Giuliana Pellegrini, Il presepi);
vie pal an simpri cul vuit in bocje, dut indafarât a mantignî çus, a parecjâ vergons e viscjadis e filainis (Catarine Percude, L'oseladôr)
Sin. dâ dongje
, disponi
, fâ
, inmaneâ
, meti sù
, preparâ
, prontâ
Var. perecjâ
-
in particolâr fâ che al sedi pront alc di mangjâ:
mê madone e parecje un fregul di mirindute, e li o fasìn cuatri cjacaris, e se gjoldìn ducj insieme (Catarine Percude, La plui biele);
"Toni, metiti cun lôr che jo tun lamp o parecji alc di meti sot i dincj" (Tarcisio Venuti, La cjase di Toni)
-
(ancje ass.)
meti su la taule ce che al covente par mangjâ:
tal indoman la femine e parecjà tal tinel, cu la tavaie di fieste e i plats che e tignive te vetrine (Carlo Sgorlon, Prime di sere)
-
fâ che cdn. al sedi pront:
la vore par parecjâlu a sei tirât sù [un zovin colât tun foran] e durà dibot une ore (Roberto Ongaro, Cretevierte)