Dizionari de Lenghe Furlane

rindi merit    [CO]

1. loc.v. ricognossi, ancje in public, e in câs premiâ la responsabilitât di cdn. in alc di positîf:  ae coerence ideâl di Strassolt i à rindût merit ancje la presidente de Regjon, Debora Serracchiani (Antonella Lanfrit, La bataie par une gnove Regjon e i coments. Fontanini: «Un om di popul ancje se nobil»)
   Sin. rimertâ , mertâ , dâ merit
2. loc.v. jessi cause di merit, di svant:  mi veve tirât dentri in presidence cu la ande di chel che si complaseve di vê di dîmi alc di grues che i varès rindût merit (Adrian Cescje, Memoriis di politiche linguistiche)
3. loc.v. (fig.) meti in evidence alc di positîf, fâ parê bon:  [dopo de presonie Vera e à tornât a] meti sù, unîts e ben logâts, une ventine di chilos a rindi merit dai disevot, disenûf agns che e à (Ivano Urli, Storie di Vera)

Components:

• merit s.m.
• rindi v.tr.