assegnâ
a|sse|gnâ
[FO]
-
v.tr.
dâ alc cun impuartance, uficialitât, autoritât:
il Duche di Cividât al veve assegnade la regjon de Cjargne a un Vas, ven a stâi un rapresentant (Sculdais) che al podeve esercitâ un podê aministratîf e militâr (Angelo Floramo, Ri-cognossi la autonomie);
Vignesie e veve di sei stade ben contente, se i assegnà une ricompense di 100 ducâts di arint (Pierluigi Visintin, Friûl e furlans te Histoire de ma vie di Giacomo Casanova)
Sin. dâ
, concedi
, conferî
, stanziâ
, meti
, dâ fûr
, ricognossi
, atribuî
-
v.tr.
dâ di fâ:
aes circoscrizions ur ven assegnade la gjestion dai servizis e des struturis di base (Aministrazion Publiche, Statût dal Comun di Udin)
-
v.tr.
mandâ par une cierte funzion o destinazion:
[il cjapitani] al veve domandât e otignût di jessi assegnât a un repart (Carlo Sgorlon, Il dolfin);
une part (130 plui o mancul) des 300 fameis ingaiadis dal consul argjentin a Gjenue e rivadis di là dal ocean tal 1879 e je stade assegnade ae colonie Avellaneda (Javier Grossutti, La emigrazion dal Friûl - Vignesie Julie in Argjentine e in Uruguay)
Sin. atribuî
, meti
, destinâ
, mandâ
, disponi
, fissâ
-
v.tr.
ricognossi la paternitât, la apartignince, la identificazion:
[un repert fossil] che al è dificil assegnâ a di un ciert grup par vie che nol è in buinis cundizions (Francesco Gobbo, Gjeologjie e paleontologjie ator di Preon)
Sin. ricognossi
, tribuî
, atribuî
-
v.tr.
meti in relazion:
la stesse logjiche di programazion dal calcoladôr e funzione assegnant a ogni dât une variabile che al è juste apont un spazi di memorie (Mario Turello, Il brevet)
Sin. dâ
, meti
, zontâ
, tacâ
, associâ