atribuî
a|tri|bu|î
[CO]
-
v.tr.
dâ a cdn. un titul, une cualitât, une incjarie, un compit e v.i.:
Salvi al atribuive la categorie di nazionalitât aes minorancis (Adrian Cescje, Memoriis di politiche linguistiche);
al è il re che al atribuìs tieris ae nobiltât (Fabian Ros, La invenzion dal stât)
Sin. dâ
, assegnâ
, conferî
-
v.tr.
meti in relazion une azion, un discors, une opare e v.i., cuntun autôr o in câs cuntune corint, cuntune ete storiche e v.i., in circostancis li che no son provis siguris:
prodot impuartant al è invezit il "Breviari francescan" tal Museu di Cividât, che o podìn atribuîlu ai artiscj che a àn frecuentât la scuele dal famôs artist francês Jean Porcelle (Bepi Agostinis, Storie de art in Friûl)
Sin. ascrivi
, assegnâ
, ricognossi
-
ricognossi o fâ ricognossi in cdn. l'autôr di une azion, di un discors, di une opare e v.i. in maniere contrarie ae realtât:
e ve che al dopre chel antîc artifici retoric di atribuî ai aversaris posizions che lôr no àn mai cjapât, par podêju criticâ (Raimont di Strassolt, La autonomie dai "ex comuniscj")
-
v.tr.
dâ a cdn. o a alc un merit, une colpe, une responsabilitât e v.i.:
se i siei scrits, che ja lassâts, non jan ancjamò viodût la lûs, lu si dêf atribuî al à dificultât dei timps che atualmenti corin (Zuan Luîs Filli, Biografia di Zuan Batista Siquillini)