decidi
/-cì-/
de|ci|di
[FO]
-
v.tr., v.intr.
fâ une sielte che e puarte a une consecuence e in particolâr a une consecuence definitive o a une soluzion:
co Tilde e veve decidude une robe, nissun no i faseve mudâ pinsîr (Gianni Gregoricchio, Trê feminis);
fruts di îr, che a vevin scugnût deventâ oms di une dì a chê altre e imparâ a decidi de lôr vite in moments cussì burascjôs (Roberto Ongaro, Il muc);
par meti in vore une scuele plurilinguistiche su dut il teritori furlan al covente un invistiment economic che la Regjon, su la scuele, no da nissun segnâl di volêlu decidi (Adrian Cescje, Memoriis di politiche linguistiche)
Sin. definî
, discrosâ
, risolvi
, sierâ
, determinâ
-
v.tr., v.intr.
fâ une sielte tra plui pussibilitâts:
ogni an, a Sant Martin, il paron al decideve se tignî o parâ fûr di cjase e di campagne i siei fituâi (Riedo Pup, I furlans e Sant Martin);
biel tornât de Gjermanie, sot Sants, al pensà di lâ in cjase de pueme, a fermâle; e al decît par un martars di sere, subite cenât (Meni Ucel, Rosaris)
Sin. decretâ
, deliberâ1
, disponi
, risolvi
, sielzi
, stabilî
, fissâ
Proverbis:
- par decidi di une fabriche al vûl un mestri