compuartament
/-è-/
com|puar|ta|ment
[FO]
-
s.m.
maniere di fâ di un individui o di un grup inviers di altris, inviers dal ambient che i sta ator, inviers di une cuistion specifiche e v.i.:
i coments di Checo e dai doi fantats a lerin indenant par un pieç e a jerin ducj di critiche e di condane par Baldo e pal so compuartament (Roberto Ongaro, Cretevierte);
[cui che al compre in maniere critiche] al à duncje la pussibilitât di pandi il so judizi sul compuartament des impresis, premiant chês che si puartin benon e punint chês altris (Buteghe dal Mont, Luche Nazzi, Guide par un consum just e solidâl);
mudâ i compuartaments linguistics nol è un obietîf di pôc, e nol da garanziis di verificâsi, almancul a scjadince curte (Adrian Cescje, Memoriis di politiche linguistiche);
par une setemane ognun al cjale il mont cun voli bon e nol va a scrutinâ fin lis pleis dai compuartaments de int par cirî, cjatâ e meti in clâr colpis e difiets (Riedo Pup, Bastarès fâ Nadâl dut l'an);
in dutis lis culturis umanis e in dutis lis etis, si puedin cjatâ une schirie di compuartaments tipics de nestre specie biologjiche (Franc Fari, Il cjâf dai furlans);
la depression si scuvierç scoltant lis esperiencis riferidis dal pazient e lis contis di parincj o di amîs sui cambiaments tal compuartament (Guglielmo Pitzalis, Jù di cuarde. Ce fâ)
Sin. ande
, condote1
, contegn
, estri
, procedi
, trat
, puartament
-
s.m.
reazion di un organisim, di un fenomen naturâl, di une sostance, di une machine e v.i. a ciertis fuarcis o situazions:
lis misuris a davin il risultât spietât durant la gnot ma a falavin di dì. Al è stât facil verificâ che chest compuartament al jere causât de fotosensibilitât dal seleni (Lorenzo Marcolini, Lis celis organichis nanostruturadis);
la meteorologjie di bessole no baste par descrivi il compuartament dal incuinament, par vie che al covente ancje un risolutôr fotochimic, bon di riprodusi la gran part des reazions chimichis che a capitin te atmosfere (Daniele Goi, Dario Bianchini Giaiotti, Fulvio Stel, Modelistiche numeriche pe valutazion e gjestion de cualitât dal aiar)
Sin. reazion
, fenomen
, dinamiche