Dizionari de Lenghe Furlane

trat  trat  [FO]

1. p.pass., adi. viôt trai , viôt traisi
2. s.m. azion di tirâ:  i difiets no si gjavin come i dincj / che duelin o son fraits, / cuntun trat di tanaiis (Emilio Nardini, Par vivi); e rivà a brincâ la cengle cu lis sôs mans e, cuntun trat, a gjavâle a so pari (Gianni Gregoricchio, Trê feminis)
   Sin. tirade , tiron , trate
3. s.m. part di alc, spec. di alc di lunc:  [i soldâts] a àn par compit chel di vuardiâ un trat di confin (Roberto Ongaro, Il muc); nol si jere contentât, dut câs, dome di viodi la risultive, ma al veve volût ancje scuvierzi indulà che e lave a scori, almancul tal prin trat (Franca Mainardis, La liende dal riûl)
   Sin. bocon , toc¹ , part¹ , trate
   
   1. ancje in riferiment a une estension di timp:  o crôt che Broili al vebi scrit il poeme dut intun trat curt di timp, salacor intune gnot (Zorç Cadorin, Doi autografs di Toni Broili framieç dai manuscrits furlans di Berlin conservâts a Cracovie); e je cheste a un pressapôc la plee di dutis chês altris zornadis di Vera, dilunc vie il trat de sô vite vivude tal lager di Buchenwald (Ivano Urli, Storie di Vera)
4. s.m. segn, soredut lunc e plui o mancul dret, fat suntune superficie:  met adun i pontuts cuntun trat di pene (Dree Venier, https://arlef.it/app/uploads/giochi/unisci2.pdf)
   Sin. rie , linie
   
   1. maniere di fâ un segn o di dâ forme a un manufat, soredut a une opare artistiche:  al rapresente un episodi straordenari tal contest de sculture di len dal Sietcent venit, pe purece dal trat, la volubilitât dal clâr scûr, e la biele saldadure dai personaçs cul paisaç (Bepi Agostinis, Storie de art in Friûl)
5. s.m. element parziâl, particolâr:  confrontant i progjets tra di lôr si rilevin trats comuns (Alessandra Burelli, Educazion plurilengâl tes scuelis furlanis)
6. s.m. maniere di compuartâsi, di tratâ chei altris:  la sô femine e comparì su la puarte e e saludà cun biel trat la Ulive (Maria Forte, La tiere di Lansing); la sô figure graciose, i cjavei colôr di stranc, la sô ciere palide, il so trat di citadine a parevin escludile dal gno mont di fantat di montagne (Carlo Sgorlon, Il dolfin); al jere un om zentîl, di bon trat (Roberto Ongaro, Cretevierte)
7. s.m. aplicazion di garzis o bendis o altri materiâl imbombît di aghe e di sostancis terapeutichis suntune part dal cuarp:  "Eh, Toful, o ai pôre jo che ti coventin bogns trats di aghe di mente a ti, là…" (Dino Virgili, La aghe da pît la cleve); il trat di blanc di ûf che ti disflame dal calôr (Riedo Pup, I furlans e lis medisinis)
8. s.m. moment:  a un trat il cîl al tacà a lampâ inceantlu! (Checo Tam, Fantasimis a Sant Martin)

Polirematichis e espressions idiomatichis

• a prin trat loc.av.
• denant trat loc.av.
• devant trat loc.av.
• di prin trat loc.av.
• ogni cuâl trat loc.av.
• sul prin trat loc.av.

Proverbis:

• dal dit al fat al passe un grant trat