Dizionari de Lenghe Furlane

devant trat    [CO]

1. loc.av. in anticip, prime dal normâl o prime di un ciert tiermin di inizi di une azion o dal sucedi di un fat:  ûstu madurî ben le ue devant trat? cheste e je la ore, di dâi soreli al rap (Gabriele Peressini, Un svearìn al contadin); "[…] fasìn dôs riis di contrat, mi da une capare e un mês di fit devant trat, e la setemane cu ven che e meni la robe che la cjase è libare par jê" (Pieri Somede dai Marcs, Cjase di fitâ); e jo me la ridevi / parcè che no crodevi, / tant al è vêr che o vevi pûr visât, / un bon mês devant trat, / che il flagjel da chel siôr pronosticât / nol sarès sucedût a nissun pat (Pieri Çorut, Il Strolic mezan par l'an 1866)
   Sin. prime¹ , prin , in anticip
   Var. denant trat
2. loc.av. [BF] dopo di une coniunzion disiuntive, par dâi plui fuarce:  avilît, spaventât, eri biel muart, / e disevi fra me: / "Cui sa cemût che je! / Che vessin di scuartâmi, o devant trat picjâmi? Ma il furôr popolâr al seguitave (Pieri Çorut, Une gnove citât in Friûl)
   Sin. pitost , pluitost , ben , ancje , pûr¹

Components:

• devant av., prep., adi.inv., s.m.sing.
• trat p.pass., adi., s.m.