devant
/-à-/
de|vant
[FO]
-
av., prep., adi.inv.
de bande o te direzion che si cjale o che si va:
la strie e bute par tiere un pietin e devant dai zovins al comparìs un grant bosc plen di plantis di baraçs (Andreina Nicoloso Ciceri, Blancje come la nêf - Racconti popolari friulani I);
la cjavale e cjaminave inviade e Zuantoni in serpe al cjalave fis devant, tal scûr (Dino Virgili, La massarie);
il vidiel al è nassût, ma nol respire, mi buti parsore, lu massazi, i môf lis talpis devant, i pochi su la schene (Laurin Zuan Nardin, A confessâsi)
Sin. denant
, indevant
, indenant
, par devant
, par denant
Var. davant
, devants
, davants
-
de bande principâl, de bande che si jentre e v.i.:
dute la int fûr te strade, in place, devant de latarie (Dino Virgili, La aghe da pît la cleve)
-
cun alc o cdn. de bande che si cjale, o ancje dome dongje:
Il mûr, di une bande e di chê altre, al finive in dôs toratis inmò in pîts che a fasevin cjanton devant dal flum (Dino Virgili, La aghe da pît la cleve)
-
av., prep., adi.inv.
inte part anteriôr di alc:
Gjigjon al fâs servizi in plante stabile tra Purgatori e Paradîs e il fiasc nol à mai fin. Cuant che al cjate un furlan, lu fâs sentâ dongje di se devant, i da un dôs clucadis ancje a lui (Dino Virgili, Il cjaradôr des animis)
Sin. denant
-
s.m.sing.
part anteriôr di alc:
il cjâf al someave a une sorte di vâs di cjar… la cope compagne al devant… cence cjavei… un mostri! (Checo Tam, Il palaç);
une di chês cjasis che a stan rimpinadis sù pe riviere, cun chei puiûi luncs dulinfûr sul devant a cjalâ dut il mont abàs vie (Meni Ucel, Gnot di Avost)
Cfr. music1
-
av., prep., adi.inv.
intune posizion precedente:
te grafie uficiâl si racomande di doprâ l'articul "la", cence elision, ancje devant di sostantîfs feminins che a tachin par vocâl
Sin. denant
, par devant
, par denant
, prime1
, prin
, prin di
, prime di
, devant di
, denant di
-
av., prep., adi.inv.
plui dongje e plui in viste rispiet a alc altri:
adalt, un sfiliot di nûl al passà devant di une lune smamide e maladice, inclaudade jenfri i doi cocolarons de braide (Gianfranco Pellegrini, Sium de Vilie dai Sants)
Sin. denant
-
av., prep., adi.inv.
dongje e in mût di cjalâsi un cun chel altri:
jê si fermà propit li devant di lui, e lui le cjalà inceât tai voi (Dino Virgili, Aghelusinte)
Sin. di face
, di front
, in face
, cuintri
, denant
, di face di
, di front di
, in face di
, cuintri di
, denant di
, devant di
-
av., prep.
in presince di, inte situazion di vê di frontâ alc o cdn.:
il sindic al fâs devant dal consei il zurament di osservâ cun lealtât la costituzion (Aministrazion Publiche, Statût dal Comun di Udin);
al jere spavalt, fuart, gjenerôs e no si fermave devant di nie (Checo Tam, Regulus);
mi pareve di jessi devant di un tribunâl di chei de rivoluzion francese che si viodin piturâts sui libris (Pieri Somede dai Marcs, Gnot clare gnot scure)
Sin. devant di
, denant
, denant di
-
av., prep., adi.inv.
in posizion plui alte, impuartante e v.i. intune jerarchie, classifiche, scjale di valôrs e v.i.:
ancje il judiç al à ricognossût e metût devant di dut la volontât di Eluana Englaro (Christian Romanin, Amato De Monte: Il Friûl, patrie des bataiis di civiltât)
Sin. prin
, prin di
, prime1
, prime di
, denant
, devant di
, denant di
-
av., prep., adi.inv.
tun moment precedent, prime inte sucession temporâl:
a son stadis cjatadis monedis di arint celtichis dal tierç secul prin di Crist […] e ogni tant li al salte fûr cualchi imprest celtic dal gjenar di chei di La Tène, che al ven a jessi di un grum di secui devant. (Josef Marchet, Cuintristorie dal Friûl fin sot la Italie);
di fieste si lavorave cinc o sîs oris, devant misdì, e dopo si durmive un pôc sot dai casons fûr dai pulçs, si leve a lavâ la cjamese e sot sere si beveve la boce di bire (Pieri Menis, Il gno prin pâr di scarpis)
Sin. prin
, prin di
, prime1
, prime di
, denant
, devant di
, denant di
-
av.
in prospetive, tal futûr:
mi somee une buine scuadre e no sai cualis che a son lis motivazion di une anade cussì. Potenzialitâts devant a son, ma e à cjapât masse goi e no mi spietavi che e ves vût di penâ tant (Christian Romanin, Dino Zoff: «O vin lidrîs buinis, o vin di tignîlis di cont»)
Sin. denant
-
av., prep.
cun preference, plui vulintîr:
devant di fâ un lavôr mâl, o ai miôr di no fâlu
Sin. pitost
, prin
, prime1
, denant
, pitost di
, prin di
, prime di
, denant di
-
av.
al pues vê in enclisi pronons di tiermin o riflessîfs:
Guri si fermà devantji cu la muse triste e i pugns sui flancs e lis gjambis a larc (Dino Virgili, La aghe da pît la cleve)
Polirematichis e espressions idiomatichis