Dizionari de Lenghe Furlane

par denant    [CO]

1. loc.av. (ancje fig.) de bande di denant, anteriôr, frontâl, o ancje normâl o gjeneriche in oposizion a daûr:  i ritrats dai sorestants cjapâts par denant, par daûr e par in bande (Riedo Pup, I furlans e la Vite Catoliche); Pieri al jere dut stuart cumò, sgobât par denant e dut ritirât in se par vie dal dolôr (Amedeo Giacomini, Tal ospedâl)
   Sin. denant , indenant , devant , indevant , par devant
2. loc.av. (ancje fig.) in presince di cdn. o ancje cun scletece:  grant impostôr / chel siôr Grivôr! / Lui par denant / ti fâs il sant; / mil ceremoniis / mil compliments (Pieri Çorut, Lis dôs musis)
   Sin. devant , denant , par devant
3. loc.av. cun sens di temporalitât, in prospetive tal futûr:  cuant che si è vecjos a restin pôcs agns par denant
   Sin. denant , devant , par devant

Components:

• denant av., prep., adi.inv., s.m.sing.