indevant
/-à-/
in|de|vant
[FO]
-
av.
de bande che si cjale o che si va, te posizion o te direzion che e je in face de persone che e fevele o de persone o robe che e costituìs il pont di riferiment:
al va ancjemò indevant fin che al rive in Carintie (Andreina Nicoloso Ciceri, I stupits - Racconti popolari friulani I);
cui voi discocolâts e lis mans viertis indevant a parâsi de viste (Dino Virgili, La aghe da pît la cleve);
une superficie cuasi drete e inclinade indevant (Stefano Micheletti, Marcellino Salvador, Notis di meteorologjie pal Friûl - Vignesie Julie)
Sin. indenant
, devant
, denant
-
av., adi.inv.
in posizion di vantaç o plui alte o prime intune classifiche:
l'Udin al à sierât il campionât mancul indevant di ce che si sperave
Sin. indenant
, adalt
, devant
, denant
, sù
-
adi.inv., av.
tal timp passât o che al ven prime di un ciert moment, viôt indenant
-
adi.inv., av.
tal timp futûr o che al ven dopo di un ciert momentviôt indenant
-
av.
in complements di lûcs o di timp, par segnâ un tiermin di inizi:
il pitôr, da chel dì indevant, ve a sopuartâ il so stât cun rassegnazion, persuadintsi che la puaretât nol è po il plui grant mâl da la vita (Zuan Luîs Filli, Il diau sul Studeniz)
Sin. indenant
, inlà
-
adi.inv., av.
che al è za tacât e in part passât:
l'Autun al jere indevant, penç di fumatis, di umiditât, di zornadis curtis e di gnots cence fin (Franca Mainardis, A ôr dal flum)
Sin. plen
, profont
, tart
, indenant
-
adi.inv., av.
dongje de conclusion, de realizazion e v.i.:
e je indevant la elaborazion dal plan pal svilup (Antonella Lanfrit, Si inviin lis UTI: ancjemò dut di viodi ce che al sarà)
Sin. a bon pont
, indenant
-
adi.inv., av.
che al è o che al fâs alc in anticip:
o vin lavorât ben, o sin dôs setemanis indevant rispiet al program
Sin. indenant
, prin
, prime1
-
di orloi, che al segne une ore che no je ancjemò rivade:
o vin ancjemò cualchi minût, l'orloi al è indevant
-
adi.inv., av.
che al è a un nivel alt tal disvilup sociâl, economic, tecnologjic e v.i.:
cumò il popul nol è tant indaûr che si puedi fâi cambiâ strade midiant di une barbarie rivoluzionarie, ni tant indevant che si lu puedi morestâ metintlu un pôc tal fen come lis gnespulis (Josef Marchet, A scuele di autonomie);
situazions une vore indevant te tutele come Catalogne e Gales (Walter Tomada, Il destin dal furlan al è leât a la Europe)
Sin. progredît
, disvilupât
, indenant
, avanzât
-
adi.inv., av.
(fig.)
orientât aes novitâts, ae inovazion, al progrès, ae modernitât:
un pinsîr furlanist, particolâr, sclet e la plui part des voltis une vore indevant (Dree Venier, "Amôr di Patrie": lidrîs vivis)
Sin. gnûf
, moderni
, progressist
, indenant
, progredît
, avanzât
-
adi.inv., av.
che al à une inteligjence svelte:
al è un frut indevant pe sô etât
Sin. indenant
, inteligjent
, sveât
, svelt
-
s.m.inv.
[TS]
sport
intal rugby, fal che al sta intal tirâ par indevant la bale cu lis mans
Polirematichis e espressions idiomatichis