moderni
/-è-/
mo|der|ni
[FO]
-
adi., s.m.
dai timps di vuê o di un passât resint:
o scolti ogni gjenar di musiche: pop, rock, classiche, moderne, liriche (AAVV, Sul florî);
la fin di une culture e je come il vignî a mancjâ di une rose tal zardin de nestre moderne civiltât (Riedo Pup, Al jere une volte il furlan);
no cate lis grandis scuviertis de fisiche moderne, il concet di timp al reste pe plui part discognossût (Franc Fari, Neurosiencis dal dolôr)
Sin. atuâl
, gnûf
, resint
, contemporani
-
di lenghe, cemût che e je fevelade e scrite in dì di vuê o tal passât resint:
si definì il standard de lenghe greghe moderne, tal lessic e te scriture, che al balinà a dilunc tra la soluzion popolâr, fevelade, la demotiche, e chê culte (Adrian Cescje, Viaç aes origjins dal Logos)
-
s.m.
dut ce che al met in mostre tindincis di chest secul:
vierzisi al moderni
Sin. gnûf
, contemporani
-
adi., s.m.
che, cui che al va daûr dai mûts e des modis dai timps che al vîf, che al è pront a acetâ cualsisei novitât:
i siops! Eco une usance furlane passade di mode cul trotâ che e fâs la vite moderne (Pieri Menis, I siops);
in Friûl si cjatin in chei agns i architets plui modernis, bogns di miscliçâ insiemi e di meti adun lis tindincis de inovazion americane cu la anime profonde e vere de lôr tiere furlane (Angelo Floramo, Cuintristorie dal Nûfcent 1950-1960)
-
adi.
che al è rivât a un grât alt di svilup sociâl, economic e culturâl:
metisi a pâr cu lis nazions modernis intun ordenament di libertât e di responsabilitât (Josef Marchet, La gnespule malmadure)
-
adi.
[TS]
stor.
che al à a ce fâ cul timp jenfri la scuvierte de Americhe e il Congrès di Viene:
al è interessant di viodi la diference tra il mont moderni e chel medievâl ancje di un pont di viste juridic (Fabian Ros, La invenzion dal stât)