contemporani /-à-/ con|tem|po|ra|ni [AF]
- adi., s.m. che, cui che al è dal stes timp rispiet a un altri element, event, sogjet e v.i. o rispiet a cui che al fevele: il disvilup dal cûr de lenghe furlane al è sù par jù contemporani, o forsit adiriture plui vecjo di chel des plui grandis lenghis europeanis (Franc Fari, Il cjâf dai furlans); dome un cerviel moderni e un mût di pensâ dut ocidentâl come chel dai tiei contemporanis […] al pues pensâ une robe dal gjenar (Fabian Ros, Il lôf)
- adi. di ete storiche o fat storic, che si riferìs o al sucêt tal timp dopo de rivoluzion francese: la nassite dal stât nazionâl, sogjet politic istituzionâl principâl de ete moderne e contemporanie, […] e je la consecuence direte de Rivoluzion Francese (Marc Stolf, Minorancis linguistichis)