Dizionari de Lenghe Furlane

tirâ indevant    [CO]

1. loc.v. lâ indenant, movisi indenant, soredut cence fermâsi:  tu tira indevant e va ta ultima cjamara (Ranieri Mario Cossâr, Storia dai trê nerans)
   Sin. lâ indenant , lâ indevant , lâ vie dret , lâ dret , lâ dilunc , tirâ dilunc , tirâ indenant
2. loc.v. lâ indenant a jessi o a compuartâsi intune cierte maniere o a fâ alc:  il peleâr al tirà indavant cul so discors: "Une ate raritât, che a si cjate dongje Lauc, a Cjavuians, a son las casses dai Gans […]" (Luigi Gortani, Al marcjât di Vile)
   Sin. lâ indenant , lâ indevant , lâ vie dret , lâ dret , lâ dilunc , tirâ dilunc , tirâ indenant
3. loc.v. vê une cierte durade:  a jerin agns une vore biei ca in Friûl, sedi pal estri creatîf sedi pe situazion politiche sociâl, che a tirarin indevant dal 1945 al 1955 (Pierluigi Visintin, Friûl e furlans te Histoire de ma vie di Giacomo Casanova)
   Sin. lâ indenant , lâ indevant , lâ dilunc , tirâ dilunc , lâ a dilunc , tirâ a dilunc , tirâ indenant
4. loc.v. (coloc.) vivi, sostentâsi, lavorâ e v.i., intune cierte maniere che e pues jessi specificade o soredut a la mancul piês:  o speravi che sore mi ves dât almancul un cuatri zumielis di farine tant di tirâle indevant par vuê (Catarine Percude, La fuiace de Madone)
   Sin. lâ indenant , tirâ indenant
5. loc.v. movi indenant:  ognidune e veve di tocjâi lis guarnizions di aur o i ricjins, di regolâi une plete dal vistît blanc di nuviçâl, di tirâi indevant o indaûr la blonde (Dino Virgili, La aghe da pît la cleve)
   Sin. tirâ indenant
6. loc.v. puartâ indevant une ativitât in mût che no si fermi o ancje fâ lâ indevant, fâ procedi, fâ cressi alc di imateriâl tant che une idee, un valôr, une tradizion e v.i.:  mi doi di maravee che tancj furlans, nassûts a Toronto, a si sintin ancjemò furlans. E a son bulos chei che a tirin indevant i Fogolârs (Enos Costantin, Robis di no crodi)
   Sin. tirâ indenant , parâ indenant , puartâ indevant , mandâ indenant , mandâ indevant , parâ indevant , puartâ indenant
7. loc.v. fâ in mût che a sedin avonde risorsis par lâ indenant:  oms e feminis a lavorin par tirâ indevant la lôr famee (David Zanirato, A mi ce mi impuartial?)
   Sin. tirâ indenant , mandâ indenant , parâ indenant , tignî sù

Components:

• indevant av., adi.inv., s.m.inv.
• tirâ v.tr., v.intr.